[طير غيمار]

حيا الله الاحبة جميعا . .

يايزيد السلوم دعبل يقول :

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يَايَزِيد الـدَّرْبْ طَـال ولاَ وصَلْنَـا لَلنِّهاَيَـه=والمُصِيبَة يَايَزيد انْ كِنْـتْ تَجْهَـل منْتَهَـاه
المسَافِرْ لَـو يِسَافِـرْ فـي دُرُوبْ البَنْقْلاَيَـه=يَحْسِبَ الوَقْـتِ بيدِينِـهْ دَامْ يَعْـرِفْ مِبْتَغَـاه
وَالجَهَلْ يَا اخُوْكْ فِينِي مَا عَرَفْتْ اَصْل الحِكَايَه=بَاذلنْ للنَّاسْ قَلبِيْ وَالبَلا مَا احْـدِ(ن) عَطَـاه
يَايَزِيْد اسْمَع كَلاَمِيْ وَانْت تَدْرِي وِشْ وَرَايَـه=وَالله اِنْ قَدْرِكْ كِبِير(نْ) بِيْنْ قَلْبِـيْ وَالشِفَـاه
اِصْبِرْ اليَاضَاقْ صَدْرِكْ وَاجْرَمَتْ فِيْكَ الغِوَايَه=وَاحْتَمَِلْ صَدَّةْ حَبِيْبِـكْ وَانْتِظِـرْ حَـزَّةْ لِقَـاه
وَاكرِمَ اللِّي يِعْتِني بِكْ واحْتِرِمْ اهْـلَ الوِلاَيَـه=ولا تُلُوْم اللِّي تَغَيَّبْ لِيْـنْ تَعْـرِفْ وِشْ وَرَاه
يَايَزِيْدَ اللِّيْلْ طَالْ وَطَالَـتْ فصُـولَ الرِّوَايَـه=وَالبَلا يَا اخُوْك فِيْنَا غَارْقِين(نْ) فـي حَـلاَه
وَالحِكَايَه يَايَزِيْد اِنْ كِنْـت تَجْهَـلْ بَِالحِكَايَـه=مَاعَرَفْنَـا مِبْتِدَاهَـا كِيْـف نَعْـرِفْ مِنْتَهَـاه [/poem]


أما أنا فأقول :

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا يزيد الله يعينك والمسافر له نكايه = والمسافر ما تغرب لاجل يرخص مبتغاه
شاعرك دعبل تغنى في بيوت بالوصايه= والوصايا له شرايد يا عدال ويا وراه
والله اعلم وش يكنَّه في وصاته ياغنايه = حية رقطا قصيده أو عصى موسى عصاه
قال ربي في كتابه من تمسك لا غوايه = وقال ربي في كتابه كل شاعر له غواه
وكل شاعر له هيام بكل وادي وله سوايه = وكل قوله ما يسوَّى بس داء بلا دواه
الا من آمن بربي ومن تنكر للشوايه = والله الوالي يحمانا من خواتيم العصاه
ويالله يارب تحمانا من دعابيل الشظايه = ان سلمنا من مديحه ما سلمنا من هجاه
يايزيد الحق واضح بين مزح وبين آيه = آية الجد النزيه وما على افواه الرواه
كان تبغي للحقايق بالحكايه والروايه = وكان تبغي للبدايه واتَّحلى بمنتهاه
شاعرك تلعج بروقي لا تبين في سمايه = وان عطيته ما بقلبي من غلا لا ماكفاه
غالي(ن) تضحك سنيني لا ركز لي كل رايه = في ضلوع الشعر كله من طويق اليا اجاه
يالله ياربي تديمه عشرتي له بالنقايه = وتحت عرشك يالهي ظلنا ثم النجاه [/poem]



ــ دعبل وفى ونحن زدنا بالوفى