 |
|
|
|
|
13-09-2009, 10:03 PM
|
#11 |
|
عـضـو
تاريخ التسجيل: Aug 2007
البلد: غريب في زمن الفتن
المشاركات: 1,047
|
بعد وصولنا جاكرتنا وارستقرارنا بالسكن
فلّيت البرنامج السياحي حق جاكرتا وقعدنا نتباحث وش نزور أول شي فكانت الأولية لمنتجع أنشول وهي مدينة سياحية خورافييييييييية فيها كل شي ملاهي دنيا فانتازي العاب مائية شاطئ بحري جزر بحرية مطعم بندر جاكرتا < ماقال لا عالم البحار فور دي ماكس ( فور دميسن ) طبعا حنا ذيابة قايمين من صبح الله وزينا الفطور وتقوينا بعد ذلك ركبنا مع البلو بيرد وقلنا له انشووول يااسطا ورحنا لمه والطريق اخذ ساعة وصلنا الساعة 9 قعدنا نتلفت مايمك احد العالم خرمس تلفت ، اسأل ، وش تسأل ياحسرة لا يفهمون عربي ولا اقلينزي < يقاله بلبل وكل واحد يعطينا حتسي ، الزبدة صار اغلب الاشياء مايفتحن الا 11 اييييييه أمر نبلش ساعتين وش نسوي قلبناه تسعسق وتفرجه الين فتحت عالم البحار ويجيك ونروح لمه < احلف عالم البحار : عبارة عن مركز يحتوي الحيوانات البحرية ( حديقة سمك ) وكان هناك سيب تدخل به وتشوف الاسماك يمينك ويسارك وفوقك ( ركز فوقك ) يعني كأنك وسط البحر وعاد شف المخلوقات العجيبة شي خيااااااااااااالي بعدين رحنا لم قسم به مساج سمك سمك صغار قوة تحط رجلينك بعدين يتفاهمن معهن تنظيف وتقطيع وتقليم < الوكاد انهن شبعن عقبنا ماقد جاهن احد بشهابتنا ، لا ، بعد لزمن على واحد معنا انه يسكن عندهن ( رفيقنا لحيمة وشاقص مايسبح الا كل 4 سنين ، تصدقون فتحن برجليه بوفيه مفتوح )     معليش الصور قليلة ومهب واضحه لاننا ماجبنا الكاميرا وصورنا بالجوال بعد ذلك طلعنا ورحنا لم الملاهي وكانت جدا روعة والاهم في انشول والذي اعجبنا جدا هو تقنية الفور ديمسن أو ( رباعي الابعاد ) كانت هناك قاعة لعرض افلام كرتون بتقنية الفور دي ماكس طبعا اذا جيت تدخل تلبس نظارات خاصة عشان تشوف كأن حقيقة أمامك حتى أنهم طلبوا من كبار السن والمرضى أن يبتعدو عن الكراسي التي في سنتر القاعة وأنزلوهم الى الصفوف السفلى طبعا الفلم عبارة عن سلحفاة حلوة تتمشى وتواجه مصاعب الحياة واخطار الصيادين تخيل تشوف السلحفاة قدامك والله اني احرك يدي ابمسكه ( لو تشوفنا تقول مهابيل ) بس اذا فصخت النظارات تشوف العرض على البروجكتر من بعيد كأي سينما او عرض من المواقف تمر جنب شجرة تصدقون اني ابعده بيدي عشان ماتعمين ؟؟ جاء موقف ارسل واحد المرسى حق السفينة على السلحفاة طبعا جاك المرسى يمشي مليون لم صدورنا كل القاعة صراخ وصياح ( فعلا كأن الحديدة تبي تشق صدرك ) والثاني جت ثعبان ناحرتنا ومطلعتن لسانه < أبو الشباب يبي يرجفه برجله  طبعا انصرعنا من الخوف والاروع من ذلك سقطت السلحفاة بالبحر وتطاير الماء واذا بخششنا تربص من المياهه ؟؟ توقعوا منين الماء ؟؟ كل كرسي قدامك به فتحة صغيرة تطلع ماء أو هواء ومره ثانيه نفخ بوجهنا هواء يعني تعيش الموقف من صدق ( والله ياحنا نفحط ماصار عندنا مثل هالتقنية ) المشكلة اننا نعدهم متخلفين والله ان عندهم تطور يبيلنا سنين ماوصلناو ودخلنا عرض اخر ثلاثي الابعاد وكأننا راكبين قطار الموت والكراسي تتحرك يمين يسار توقف فوق فتخيل كأنك راكب القطار صدق ويجي يطيح بنا من فوق والله ماتسمع الا عويلا وصراخا الزبدة انه خياااااااااااااااااااااال بعد ذلك رحنا لمطعم بندر جاكرتا وقلنا له نبي سمك بحر مهب مثل هاك المرة سمك مجاري وضفينا شعور وهامور وكنعد وربيان يحبه قلبك الصراحة انه مطعم جونان الجونان وعليه مساحة يجيله كبر الحمر عاد يوم غابت الشمس دفلجنا لديارنا متوكلين على الله
__________________
لاتنسني من دعوة صالحة |
|
|
| الإشارات المرجعية |
|
|
النمط الأحادي