[مدحت شوقي بريده]

السلام عليكم ..


الصرااااحة إني اعرف أن فيه نااااااااااس نشبات .. ناس غثيثين ..
يعني لزقة باتكس ممزوجة بصمغ فيران ..
ينشب لك ويدبل تسبدك دبل اعوذ بالله ..

لكن مجرد ماتقولوه ياخي انت غثيتن ولا لي خلقك وماأبيك ..
يكون رجل فاهم مسلم عاقل بالغ ..
ماأن تلبث وتلمح له .. الا وعلى طول ينسحب ..
ويقولك طيب مع السلامة وآسف يابعدي ..



لكن المشكلة اذا جاك نشبة وتنكة سطل جحة عنبه ..
مايفهم .. كود تقولوه .. يااخي انت نشبة انت غثيث انت عله ..

همن يلهدك ويفتح كشرته فاغر الفاه .. ويقولك .. وراااااااه ..

أويليه بس .. والله ياهو يحمي التسبد ودك ترجده بطراق تنثر حواجبه ..




******** *********



كل هذا مايهم ..

اللي ماكنت اأتوقعه .. إن فيه بعض المواقع غثيثة وحقنة ونشبة ..
مثل موقع ( سبق ) ..


كنت مسجل برسائل الجوال .. علشان وانا بالبيت اعرف منهم الاخبار ..
تعرف سعودي .. لازم يصير أول واحد يعرف الأخبار ..
علشاااااان يستاااااانس .. تعرفون من زود الفضوة والفراغ ..



الموقع هذا .. كان شعلة من النشاط .. وكنت أخذ الأخبار منه ..
لكن الآن له اكثر من خمس شهور طااااافي ..
ماادري هل المراسلين مريضين والا بهم إنفلونزا خنازير والا ماتوا ..
لأنهم صاروا ماعاد يجيبون أخبار مثل أول ولا عندهم سبق مثل سبقهم السابق ..




فقمت وارسلتهم طلب إلغاء الاشتراك ..


ويوم أرسلت لهم طلب الإلغاء ..
واسمع صوت هاك الرسالة تقول واحد يقولك يابن الحلال اصبر حصل خير ..
واثرهم مرسلين لي رسالة خبر .. عن دراسة موضوع ماله داعي ..
يعني يبي يسكتونن .. اوعلى قولتهم أها بس انثبر تكفيك هالرسالة ..
القهر إن لهم يومين او ثلاثة ماأرسلوا لي أي رسالة ..




طيب أنا ماابيكم .. خلااااااااااص هونت .. ماأبي اخباركم ..
الدعوا ماهي غصب .. الا أشترك يعني علشان تزرفون هالــ12 ريال ..
مير ماأحللكم أن اخذتوهن من غير ماأخذتوا ..



عااااااااااااااااااد .. لو تشوفونهم يوم اطلب الإشتراك ..
من السرعة احس إن واحد منهم كمل التسجيل ..
من زود الوناسة .. بغوا يمطخونن ..



وهاللحين ارسلت لهم عشر رسايل .. وكل شوي يرسلون لي رسالة ..
انت غير مشترك بهذة القناة .. حطيت من رقم واحد الى رقم 10 ..
ولاكأني ارسلت شي .. ( انت غير مشترك بهذة القناة ) ..



********** ***********


ياشباب وش الدبرة معهم ..

دبروني دبروني .. اللي يعرف طريقة الالغاء يقولي ..
انا اخوكم في الله .. حصل لي حادث على طريق ابها / عرعر السريع ..
وكان معي 12 رجال كلهم ماتوا الا واحد الى هاللحين ناشبن بحلقي ..
يقول ابي حبوب الكيرم حقاتي ضاعن يوم تقلب بنا السيارة ..



ياشباب تكفون دبرون بالحل ..



سي يو ..