[أبو شهـــــد]

[ 1 ]

في تالي النهار ..
عقب هب الغبار ..
وبالتوقيت الأكيد ..
فأول العصر ..
جاني ألم ..
بآخر الضهر ..
تلفت يمين ويسار ..
أدور بعض العقار ..

مانفعني غير ذكرى الطبيب ..
طلبت رقمه بالهاتف ..
رد على صوت نعاس ..
قال : الو ..
وش تحس من ألم ..
نسيت كل همومي والأوجاع ..
ذكرت كلمات الحب والأوضاع ..

فطنت لروحي ورديت ..
أبد بس مو كنك قسيت ..

قلتها وانا ما أعرف لها طريق ..
ومابيني وبينها إلا رقم الطبيب ..

ردت على ..
هييه .. انت مو عاقل ..
نطق قلبي عقب المحاجل ..

أسمعيني وافهمي الكلام ..
أنا كبير وماني غلام ..

انا ابيك بسنه الرسول ..
وأبيك على قدر من الأصول ..

بعد البحث و التحري ..
وسؤال الشايب المتهري ..

ردينا لهم بأننا أستخرنا ..
والحمد لله ماخسرنا ..

والزواج قسمة ونصيب ..
ولو سمحتي حوليني للطبيب ..


[ 2 ]

عقب عدة مراجعات ومواعيد ..
وأنا اتعكز حتى يوم العيد ..

غريب هذا الوجع ..
مانفع به ولا شد القطع ..

وآخر الضهر موقع شين ..
والمشكلة ..
لا قالت الألم وين ..؟

آخر يوم بالعيادات ..
وقبال باب العربات ..

سيارتي بالموقف الصحيح ..
وونتي من الوجع صارت بحيح ..

شفت ددسن موقف غلطان ..
قلت ياهييه .. وخر لو سمحت ..
ألتف لي أنسان بنكة القمر ..
جميل الوصايف .. راد الحسايف ..

قالت : معليش ابوي راح يصلي ..

رد شيء بصدري يحب ..

انا مريض وابجمع واقصر ..
وكاني صايم فتراني مفطر ..

وصل خالي وقال ..
المعذرة كان طولنا عليك ..
قلت لا بس تعال ابيك ..

قرب وقال سم ولدي ..
سألت يا عم الموتر للبيع ..؟
جاوبني وهو مستغرب ..
وش تبي به ذا مغرب ..

الزبده والنهاية ..
اخذت رقم راعي الونيت ..
وعزمني اجيه بالبيت ..



[ 3 ]

عقب تسعين يوم ..

كلمتها .. قالت معليش كنت أصلي ..
قلت يوووووووووووه ..
رد قلبها سريع ..
سلامات حبيبي وش جاك ..؟
قلت لا بس نسيت اقضى الصلاة ..
يوم اشوفك قدام الباب العربات ..
واولع النور لزوم الكشخات ..

ملت جوالي بسمتها .. وملت يدي دبلتها ..

يوم الزفاف ..

ذهلت .. منها .. هي ذي راعية الددسن ..
دمع عيني من جمالها ..
شكرت ربي لحسنها ..
طوقت يدي جسمها ..
حفظ خدي ثغرها ..
ملك روحي قلبها ..

ربي لا تحرمني منها ..