 |
|
|
|
|
10-10-2009, 11:20 PM
|
#1 |
|
أبتاه ، فقدك آلمني ..!
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,958
|
[ رحلتي في عيد الفطر المبارك1430هـ ]الى[ الساحل الغربي ]و[ شمال المملكة ]|"تابعونا |"
السلام عليكم ورحمة الله وبركاته
طبعا الرحلة مكونة من 7 افراد , على سيارتين الطريق [ كان بداية من بريدة الى المدينة ثم الى الفقرة بعد المدينة ب50 كيلوا ثم الى ينبع ثم الوجه والمدن القريبة منه , الى ضباء ثم فرقنا للدبسة ومن الديسة الى راس الشيخ حميد ومن ثم الى شاطيء مقنا وعين موسى العذبة , ومن ثم الى حقل ومن قم الى تبوك ومن تبوك الى دومة الجندل ونمنا قبل دومة الجندل بالنفود الكبير , ومن ثم الى سكاكا وبعده اتجهنا الى العليم << اعلمك والله ياهي وناسة العلم مكشات يحبه قلبك , وبعد العليم اتجهنا الى حائل ومن ثم الى بريدة حفظها الله ] بعد انتظار طوووويل , وبعد ماطولت السالفة معكم , كل شوي قريبا قريبا اليوم خربته ونزلت الموضوع , طبعا هذا التقرير , مقسم على أجزاء , لأن الصور كثر والرحلة طويلة نوعا ما , لكن تقرير لايليق بمستواكم , لكن حاجة في نفس يعقوب قضااها اتمنى ان يحوزر على رضاكم , وسيزداد التقرير جمال بتفاعلكم معنا بمعنى قاعدة [ امدح تجد ] من توليف اخيكم هذه القاعدة  وكل ماوجدت تفاعل راحا نزل الاجزاء باسرع وقت لانه فيه اشياء خطيرة , لاول مرة تشاهدونها << تحلف انه دايرن العالم على هالتشويق على العموم , لن يكون هناك تعليق كثير , لان بداية التقرير كل شيء واضح , لكن الزبدة بوسط التقرير الاثارة والمتعة نبدأ بالتقرير الجزء الأول اول يوم بيتا بالمدينة بين هالجبال , حاولت معهم ناخذ شقة قريبة من الحرم << ايه هين تسان النية علشان الحرم المهم ماطاعو وقالوا مالك الا الشعيب , وبالفعل بيتنا بهالشعيب   وبعد ماقمنا الفجرية صلحنا القهوة والشاهي , وقلنا الفطور بالديرة واخذنا الفطور واتجهنا الى جبال الفقرة , الجو هنااااك باااااااااااارد بشكل غير طبيعي   وهذا مكان حوستنا  وبعدها نزلنا من عند عقبة سيئة جدا , مادري وش القرادة اللي خلتنا نزل معه مشكلته ماتدري الا انت بوسط مطينة , الشارع ينتهي وهذي صور للعقبة , في نهاية العقية , يتواجد شجر السمر بكثرة يعني اللي عنده نية هالشتاء لا يفوته          وبعدها اتجهنا الى ينبع وبيتنا به كم ليلة , باستراحة يحبه قلبك , جديد ورخيص مثل ماقالوا رخيص وكويس , وهذي صورة للاستراحة  ومن بكرة الفجر قررنا اننا نصير طيور بس هالمرة طيور بحر , افهمه زي ماتبي يعني قررنا نطلع رحلة صيد سمك , وفعلا طلعنا للبحر , وصدنا كم من وحدة لكن محاتسيكم , كالعادة الحظ ماحالفن ولا صدت ولا وحده , ما اغير اشوف خوياي وكل واحد مطلعن وحده , وانا ماغير اطعم السمك الصراحة قليلات ادب هالسمك , هالحين اطعمهن واوكلهن ولا وحدة قالت انا هالمرة بخليك تصيدن جزاء لك لكن ميخالف هذي هي الدنيا , الشكوى لله <<< ماتلاحظون طولته شوي المهم ركبنا القارب وكان السواق فلة   والقهوة والشاي كانت بوسط البحر  انتم عمركم شايفين افغانية يطلعون البحر أكيد تبون تقولون لا لان الافغاني ياتلقاوه فوق جدار يليص ولا فوق نخلة يلقح لكن هالمرة بوسط البجر وش مدخلهم مادري , ان تسانهم رايحين يصيدون فالله يخلف على الحيتان مب السمك لان السمك لي واشكالي  وهذي احدى الضحايا لنا  وهذا من قومي مب يصيد , يوكل السمك طعام ماصاد ولا وحدة  فلسفة مصور  الشاهي والقهوة بعد مانتهينا  وبعدها اتجهنا الى محافظة الوجه , وبيتنا فيها ليلة على البحر  ومن ثم خرجنا منها الى ضباء , علشان يكون الغداء بالديسة  انتهى الجزء الاول وانتظرونا في الجزء الثاني وتقرير عن الديسة وماحولها [ ففيه الكثير من المفاجئات ] آخر من قام بالتعديل الـدعساوي; بتاريخ 10-10-2009 الساعة 11:35 PM. |
|
|
| الإشارات المرجعية |
|
|
النمط الأحادي