|
أحـــــــــذروا وانتم رايحين للعثيم مول
ذهبت للعثيم قبل اسبوع ومسكينه وانا والله اتمشى خلصت فلوسي وانا عند رد تاغ آخر العثيم قلت خلاص ابروح اصرف من بنك الرياض اللي عند سفوري لاند 
واصرف 750ريال ولافيه اي شخص عندالصراف ولاقريب منها 
يوم رحت اطلب لي وجبه من المطاعم وابحث عن الفلوس من هنا لالااكيد انهن هنا لالا يمكن بالشنطه لالايمكن بالمحفظه 
والله واثرهن مسروقات هن وبطاقة الصراف واجلس ابكي بكاء مــــــــــــرا
واذهب مسرعه الى الامن  ابغاهم يطلعونه بالكاميرات اللي مرززات مالهن داعي قال روحي للمكتب حق الامانات خارج العثيم وأطــــــــــــــــــــــــــــــــــــــــــير اركض  وانا ابكـــــــــــي واثرمكانه مخيف وخطر يبغى له رجال قلت الشكوى لله وسبحان الله جتني بعدهالركضه والصياح طمأنينه وتفاؤل ان الله راح يعوضني خيرا منهن
لعله سيارة من سيارات ابوعثيم  او اخير من ذاللك
واحب اخبركم ان اختي حصلها قبلي انسرقت ماحولها احد ماادري وش يسون بالمحفظه تركض معهم
ودمتم سالمين من كل مكروه
|
16-10-2009, 07:13 PM
النمط الأحادي