[•°انكسار الأماني°•]

وحدة من زميلاتي تدور لأخوها فذكرت لهم وحدة ماشاء الله تناسب لهم وتوافق شروطهم .
راحوا وتقدموا وخطبوا ودخل ولدهم وشافه فأعجبته وتوكل على الله وكمل أموره .
بعد كل هذا وصل لزميلتي خبر إن خطيبة أخوها مطلقة وهذا طبعاً أعلم فيه أنا .
لكنها بنت لقربها مني وخفت أقول لها مطلقة وتقول لاهونا والمسكينة مثل غيره .
أتصلت علي كيف ماتقولين لي ؟ قلت ياعزيزتي والله إنها بنت بالأصل ماجلست شيء مع زوجها الأول .
لو تروحين له وتقولين تذكر ملامحها بيقول لاوالله ماأذكر هي حتى ماتعرف منه إلا إسمه لإنه مكتوب ببطاقة الدعوة .
قالت وش يثبت قلت المحكمة وغير هذا لو طلعت مهب بنت خلي أخوك يطلقه ومستعدة أوافق عليه على إني مالي خلقكمم أنتم وعيالكم .
راحت تقول لأهله السالفة فقال أخوه يستحيل أتراجع أبيه لو هي عايشة مع زوجها الأول عشر سنوات لاتفكرون ألغي الخطبة .
تصوروا لمدة شهرين الأم والأخوات يقنعون ولدهم أنه ماتناسبك وحتى لو هي بنت ترى نفسيته ومن هالفلسفات لكنه رفض .
واللحين تزوجوا ماشاء الله وعاشوا وجابوا توأم << أكلك أول العطلة زواجهم .

لاعاد اللي يقهر إن خوات زميلتي هذي ثنتين متزوجات مطلقين واحد معه ولد والثاني مامعه شيء بس ولو يبقى مطلق .
يوم قلت له وشلون وافقتوا عليهم قالت الرجل مايضره , قلت كمان هذي ماضره بس بديتي تتفلسفين النفسية .
طيب الرجل نفسيته أشد بعد الطلاق وش هالتناقض ياجماعة أعوذ بالله من تفكيركم .

؛

ياشيختي ياكاتبة الموضوع المشكلة مش في الرجال المشكلة في الحريم .
يقولون عدو المرأة هي المرأة نفسها الله يكفينا شرها .

؛