[ابـــونـــايــف]

بسم الله الرحمن الرحيم

السلام عليكم .... اول مشاركه لي في هذا المنتدى الكبير ... والرائع ...بأعضائه ..



....تعجبني طريقة التحاور والنقاش في الافلام الاجنبيه...وشي اكيد انها تمثل جزء كبير من واقعهم...
وهذا اللي خلاني افكر في كتابة هالموضوع ,,,,

طريقتهم في الحوار وكمية الثقه اللي يتعاطون فيها بحواراتهم تلفت النظر .....مثلا عادي انك تسمع في حواراتهم ...انا مبدع ....او انا مدرك لقدراتي ...طبعا يجيبها كذا بعرض الكلام مو بطريقة انه يفتخر او يتعالى ...لكن بطريقة عادية وواثقه ....بالمقابل ...ممكن تسمع كلمة ...كم انا احمق ...يالغبائي...كم اسأت التصرف....
قهر....معقوله حتى ادبيا سابقينا ...

اللي ابي اقوله انه فيه كثير ناس مايعبرون عن انفسهم بطريقه صحيحه ...وبنفس الوقت تلاقي تصرفاتهم تدل على الغرور والعنجهيه ..وياارض انهدي ماعليك قدي....سلامات؟؟؟؟

...التناقض بين الداخل والخارج عندنا مشكله كبيره....
..
طبعا انا هنا ما اقصد من الموضوع ان الواحد يمشي ويمدح في نفسه ويمجد في قدراته...

...القصد من الموضوع الثقه ......الثقه اللي تزيد من قيمتك ..مو الثقه اللي تقلل من قدر الاخرين...


....سبب ثاني استفزني لكتابة الموضوع ...بعض الردود فيها تعالي غير طبيعي على مشاركات الاعضاء .....وكأن لسان حاله يقول ...ياخي وش فهمك انت في الكلام الكبير ...انطم بس!!!

...هنا بالذات انا اشوف الناس على حقيقتهم ....الثقافه هنا مارح تشفع لاخلاقك ياايها الكاتب الهمام وهنا بالذات نقول...يازين الاخلاق بس...

.....الثقافة الاصلية هنا رح تبين ورح تبين برضه ثقافة القشور....فهمتوا الفرق ...بين الثقه المعلنه بلا مفاخره .....والتمثيل المزيف واظهار نقيض الداخل ...

....اتمنى موضوعي وصلكم بالطريقه اللي اتمناه...ولا زال للايضاح بقية ..

...بس بما انها من بداياتي بالكتابه فشي كويس مني انها تطلع بها الشكل ...>>>>ههههههههههه

....هذي الثقه اللي اقصدها ...ومنكم نستفيد...نورونا بارائكم وتضل هذه وجهة نظري.....