 |
|
|
|
|
10-11-2009, 03:24 PM
|
#10 |
|
عـضـو
تاريخ التسجيل: Jun 2008
البلد: في عالم مآ
المشاركات: 521
|
مازال بعض رجالنا متراجعين فكريا للاسف
يااخ فشخرررررررررررررره الله يكون بعونك وعون زوجتك وبناتك حبيت اقولك الحين النساء وصلن الطاقه النوويه وعلوم الذره وانت تناقش في طلعة مطعم قمة السخف والسطحيه المرأه الحين هي اللي تقرر كيف تأكل مو انت اللي تحدد وبعدين لمعلوماتك شرعا وقانونا ليس للرجل اجبار المرأه على القيام بالاعمال المنزليه وناقش هذا الموضوع مع كبار المفتين وبعدين زمن سم وآمر وتحت رجلك ولت وانتهت الحين المراه لها مثل مالك بحدود الشرع لان نصف بيوتكم وسيارتكم يالسعوديين من رواتب زوجاتكم علشان كذا يااخواني خليكم قد المسؤوليه وكملوا القوامه على النساء وكملوا واجباتكم واتركوا السهر في الاستراحات واهمال البيوت وبعدين تكلموا بالمفروض والواجب او مشاركه المراه في البيت ومحاولتها سد مكانك اثناء اهمالك ومشاركتها لك في الامور الماديه صارت وش زينها اما راحتها ومشاركتها في الراي تصبح غلط . وراح تلاحظون ان كلامي صحيح لما تقارنون بين رجال اول وقوه شخصيتهم وانصياع المراه لهم وبين رجال الحين الله يخلف اهمال وقلة والي طبيعي المراه راح تتغير وتصير شخصيتها اقوى وتاخذ حقوقها الكامله وابسط هالحقوق انها تطلع مطعم وترتاح من الطبخ اقلها يوم بالاسبوع وطبعا هذا قليل عليها اذا كانت عامله و حبيت افيد الرجال الديموقراطيين واصحاب الفكر الوجيه لايفوتكم تعزمون حريمكم في الموفنبيك فيه بوفيه ايطالي خطير ولايمنع انكم تفاجؤنهن برحلة قصيره بالويك اند تشمل تسوق ومطاعم في الرياض قريبه ومافيها تعب يالله استانسوا وانبسطوا انتم وحريمكم ترا الحياه احلى من نظرة اخوانكم المتحجرين دام الموضوع لايخرج عن حدود الدين. والله ردي لا يعني استهتار بصاحب الموضوع لكن اقسم برب العزه والجلال اني اشفقت عليه وعلى نظرته للحياه لانها قاصره جدا واحس انه يكسل وشكرا 
__________________
لست مجبوره أن أُفهم آلآخرين من أنا فمن يملك مؤهلآت آلعقل وآلآحسآس سأكون أمامه كالكتآب آلمفتوح..!! اللي تبي تستفسر ترسل ع الخاص لاني ماارجع للمواضيع.. |
|
| الإشارات المرجعية |
|
|
النمط الأحادي