[الوفـاء]

السلام عليكم
تبون اقولكم وش صار معاي بمطار القصيم
يلا تعالوااقرأوا القصه
عشنا يوم عصيب يوم عرفه في مطار القصيم (بريده)حيث قدمنا في تمام الساعه 3.30 لإدراك رحلتنا المتوجهه الى الدمام والتى كان موعد اقلاعها الساعه 4.15 عصرا , ونحن في صالة الانتظار إذ نفاجأ بسماع الإعلان التالي (نعتذر لكم عن تأخير الرحله المتوجهه الى الدمام وسوف نوافيكم بتحديد موعدها في الساعه 5.30 ) واضطررنا ساعتها للانتظار لحين تحديد الموعد وعندما حان الموعد المحدد سمعنا صوت الاعلان الثاني وتفائلنا لعله حان موعد الاقلاع وتأهبنا للاستعداد واذ يعتذروا للمره الثانيه عن سبب التأخير حيث افادوا ان السستم فيه عطل بسبب ماإجتاح مدينة جده يوم الترويه(اليوم الثامن من ذى الحجه ) من امطار غزيره جدا يعني (عندهم علم مسبق بالعطل من يوم الترويه )وانه علينا الانتظار لحين الفرج , ولا يخفى عليكم انه في ذاك اليوم قد يكون هناك صائمين ليحضوا بفضل واجر يوم عرفه وانا واحده من الصائمات ولم نضيف ولا بشق تمره او كوب قهوه وعندما حان اذان المغرب ساعتها اخذت اتجول في صالة الانتظار يمنة ويسره باحثه عن تمره وكوب قهوه وسألت غرفة التفتيش الخاصه بالنساء للأفطار واخذت حاجتي منهن مشكورات , وفي تمام الساعه 7 تما الاعلان للمره الثالثه وعتذارهم عن تأخير الرحله الخارج عن ارادتهم وانهم في انتظار الرحله القادمه من الدمام الى القصيم وحين وصولها سيتم نقلنا عليها واااااااااااااااااااااااااااه مااطولك ياليل وحتى الساعه 8 مساء لم نضيف اييييييييي شي ومع طول الانتظار ولملل اصاب بعض الحاضرين حاله من الهاستيريا فعندا سماع صوت طائره قادمه للمطار اخذوا بالتصفيق من الفرحه ضنا انه حان الفرج واخذوا يتوجهون للبوابه واذ بالحارس يهدئهم ويؤكد لهم ان هذه الطائره ليست التى ستقلهم وحينها اصابهم حاله من الاحباط واذ نسمع حينها صوت الاعلان للمره الرابعه - والله يعيننا - ويبشروننا ان الرحله القادمه من الدمام اقلعت وحان الفرج وياسعدنا وعليكم الانتظار لحين الساعه 10 ليلا حيث تحدد اخيييييرا موعد الاقلاع وقالوا انه علينا التوجه الى البوفيه لضيافتكم لاستلام وجبة العشاء واخيييييييرا حسو انه فيه اوادم وقالوا ضيافتكم علينا وهي اصلا على حسابنا وعند التوجه الى البوفيه اللي اسمه اكبر من حجمه قالوا لا يتم استلام الوجبه الا بتذاكر السفر ...!!!! وتدرون وش الوجبه ساندوشة جبن اوبيض اختاري وحده منهن قلت لهم واللي مايرغب بالبيض ولا الجبن ماتضيفونه غيره قال البائع اذن اشتري اللي ترغبين !! وقالوا ضيافه ....!! وتم الصعود الى الطائره في تمام الساعه 10 ليلا وتم الاقلاع الساع 10.30 وضيفنا فقط عصير وقالو اللي بالمطار ضيافتكم علينا ..!! وهي على حسااااابنا
وليته تسوى ... وش رايكم يا جماعه تكفوووووون ابي ردووودكم يا هوووووووووه