[44الخفاش الأسود44]

@

الجزء الأول

السلام عليكم ورحمة الله وبركاته , خير تحية تحية اهل الجنه وانعم به من تحية , وبعد ...

اجتمعت العائلة المصونه في منزلي المتواضع , وبعد ان اصتك المجلس بالضيف , همس اخي الخفاش الأبيض لأخي الآخر الخفاش الأحمر ان اخبره .
تسارعت نبضات قلبي , ماالسر الذي يخفونه عني , فما ان يجتمع اخواني عندي ويبدئون بالتهامس الا واتذكر تلك الغرفة الضلماء في عليشة الموقره .
الخفاش الأحمر : عندنا موضوع نبغى نناقشك فيه .
الأخفاش الأسود : خير ان شاء الله .
الأخفاش الأحمر : بصراحه حالتك الماديه ضعيفه جدا , ولازم تغير بحالك .
التفت يمنه ويسره ولاحظت الكنبات البالية والستائر المهلهلة وكاني اوقظت من نومي .
قاطع تفكيري صوت العشاء .
بعد العشاء انصرف الضيف بحفاوة واكرام واتمة تلك الليلة .
من الغد ,استيقضت على نداء الحق , توضيت وذهبت لالبي النداء , وصلينا مع المسلمين , وعند الخروج أمسك بيدي ( ابو المساكين) سبق التعريف به في مامضى
أبو المساكين : خير ياخفاش سلامات كأنك زعلان .
الخفاش : ابدا ابدا , مجرد هموم
أبو المساكين : يعني انت مهموم .
الخفاش : لا يااخي المهموم كاتب ببريدة انا الخفاش الأسود .
ابو المساكين : طيب ليش مكدر خاطر , انت لك حق علي والناس للناس .
الخفاش : (ماودك تحقر احد) يااخي انا فكرت اني احرك نفسي شوي , مثلك عارف المدة الاخيره الاوضاع الماليه عندي وسط .
ابو المساكين : امممممم , عندي الحل .
الخفاش : هاه بشر
ابو المساكين : بما انه انت لك خبره عريقه بالخضروات والفواكه , بيش ماتتاجر فيها .
الخفاش : وشلون اتاجر فيها ونظام السعوده الجديد ماسح رزقنا .
ابو المساكين : لا يااخي , حسب مايقولون ان منطقة القصيم مشهوره جدا بالخضار والبيع هناك ببلاش , ليش ما تسافر هناك وتشتري المقسوم من هناك وتبيع هنا .
الخفاش : والله فكرة , التفت يمنه ويسره فاذا بسيارتي الكروسيدا (79) متوقفه عند الباب وقد خطت السنون تجاعدي وجهها ولسان حالها يقول :
سئمت تكاليف الحياة ومن يعش * ثمانين حولا لا ابالك يسئم
الخفاش : بس ياابو المساكين والسيارة مثلك عارف العجوز مااضن تقوم بالمهمه .
ابو المساكين : عيب عليك تأدب اذا حيكت عن جدتك .
الخفاش : الله يرحم جدتي متوفيه من زمان , انا قصدي السياره .
ابو المساكين : يصدر تلك الضحكة المزعجة تذكرني بخطاب هتلر للشعب هعععهععععهععععهععععهععع .
ابو المساكين : ولا يهمك اما على السيارة انا ادبرها لك وان شاء الله بعد صلاة الظهر تكون عند بابك .
الخفاش : خير ان شاء الله .

جلست في بيتي تلك الصباحيه اتقلب يمنه ويسره افكر بالمشروع والمكاسب و ... و ... قاطع تفكيري مره أخرى رنين الجرس .
انا لله وانا اليه راجعون الواحد مايقدر يفكر شوي بس .
فتحت الباب .. اذا باطفال الحاره , وشتان مابين اطفال الحاره واطفال الحجاره .
الخفاش : خير وش تبي .
الطفل : ابغى الكوره وين الكوره بسرعه .
الخفاش : انقلع ياحمار ياكلب تففف عليك , فيه احد يلعب كوره الحين , اصلا بني آدم الحين اذا طلع بالساعه هذي انقلب لدجاج محمر وانتم تلعبون كوره .
المهم رجعت وما ان وضعت راسي الا وسمعت صوت المؤذن .
توضيت وذهبت لتلبية مولاي .
صلينا مع جموع المسلمين . وحين هممت ان اخرج وجدت ابو المساكين وقد تهلهل وجهه فرحا .
اعطاني المفتاح : توكل على الله .
خرجت من المسجد
ولقيتها ليتني ماكنت القاها * تمشي وقد اثقل الاملاق ممشاها
كفراتها رثة والجنط حافية * والاسطب تذرفها على الصدام عينها .

يالله الحمد لله على كل حال شكرت ابوالمساكين .
واتكلت على بركة الله متوجها الى القصيم .

مضى الوقت بسرعه وانا افكر ماذا سوف افعل هناك , كالعاده قطع ( بضم القاف وكسر الطاء) تفكيري عندما وصلت نقطة أم سدرة .
الشرطي : اثبات ياخوي .
الخفاش : خذ ( اخذك الله معها )
الشرطي : ويش اسمك ..
الخفاش : مكتوب عندك .
الشرطي : عارف انه مكتوب , بس انا جاوبني .
الخفاش : الخفاش الأسود .
الشرطي : وانا البومة الزرقاء هيي هيي , جنب جنب .
الخفاش : خير ان شاء الله .
الشرطي : ان حمار ماتفهم .. قلت لك جنب .
نزلت من السيارة وشتمته بجميع لغات العالم وشتمة معه معمر القذافي لوجه الله .
بدء الشرطي بتفتيش السيارة وبعد الكر والفر وتمخض الجبل قال : انقلع يالله ولاعمرك تعود له .
الخفاش : اتعود لايش ؟
الشرطي : يالله بس انلقع ماتسمع الكلام .
الخفاش : شكرا لك يا جنود الله البواسل فلولاكم لعاث المخربون في الارض .
المهم ياساده ياكرام ...
وصلت بحفظ الله ورعايته الى عاصمة القصيم وعرقة النابض (بريدة) او كما يسمونها عندنا ب(بريد 5)
عموما .. دخلت المدينه وبدء بالدوران ابحث عن سوق الخضار وللكن كان محاولاتي بائسه ..
نصيحة لوجه الله لا تتبع قاعده ( من سئل ماضاع) سئلت شابا في العشرينييات من عمره عن سوق الخضار فارشدني الى طريق روما .. ثم اصدر ضجيج من الكفرات , لم اجد تفسير لهذا التصرف الا انه سرق سيارة والده .
توقفت عند مصنع ( البيبسي) هدمه الله بقواريره .
قواريره ياجماعه مو اهله لا يغثنا واحد ويقول اللي فيه مسلمين .
أذن المؤذن لصلاة العصر ذهبت للصلاة ولبيت نداء مولاي مع جموع المسلمين وعندما خرجت كانت الفاجعه .
احد كتاب هذا المنتدى .
المستشار : يااهلا يااهلا ياخفاش .
الخفاش : هلا والله .
المستشار : يالله يالله الشاهي جاهز .
الخفاش : شكرا شكرا , والله اني جاي لحاجه ضروريه .
المستشار : حاجه امممممم .
الخفاش : لا تخاف مو سياسيه جاي اترزق الله , بعدين لو هي سياسيه اسافر بالعجوز الشمطاء هذه .
المستشار : هااااااااااهه هه هه هه هه هه .
الخفاش : ابي الله يسلمك طريق سوق الخضار .
المستشار : اصلا انا رايح هناك الحقني . ركب سيارته الفارهه وركبت العجوز الشمطاء وسرنا على بركة الله .
وصلنا هناك وما ان وصلنا حتى ..
ماشاء الله ..
ام مراد التميمي وعجوز الجن طالعات يترزقن الله ..
يالله الدنيا ارزاق انا ادور لقمة الاكل وهذولي يتاجرن .
دخلت المظله فاذا بشيخ بريده ومعه الطير محملا سيارته بالخضار ..قلت ياولد هذه فرصتك ياخفاش تخلص وتمشي .
الخفاش : ياهييه ياسيد ياباشا يا ابو الشباب .
الطير ( يطلع من النافذه) : وش عندك ابلشتنا من الصبح وش تبي .
الخفاش : ابي اشتري السياره .
الطير : مي للبيع .
الخفاش : لا الله يطولي بعمرك ياطويل العمر .
الطير : طويل العمر ابليس ( حقيقه).
الخفاش : ابغى اشتري البضاعه اللي معكم .
الطير : جنب مع الخلق واذا تشورنا حنا ورفيقي علمتك .
جلست انتظر سعادته يمن علينا بالمزاد .قال لي شيخ بريده تعال تعال
الخفاش : خير ان شاء الله .
شيخ بريده : انت وش تبي
الخفاش : ابغى اشتري البضاعه .
شيخ بريده : والله ان شكلك ابن حلال مسييكيين (تصغير مسكين) وانا واللع ناص لك اذا تبغى تشتري خضار تعال الفجر هو احسن وقت

ولاحظت انه فيه شخصين يشيرون اللي من بعيد .
جاء جاء شخص ثالث : بالسياره ( باص ) واركب الاثنين واتو اللي مسرعين . توقف الباص .
نزل الاعصار : انت الخفاش ؟؟
الخفاش : اي نعم خير ان شاء الله .
الاعصار : شباب ... شوفوا شغلكم .
الشامخ و مسدد وامسكوني مع الكتف ..
الخفاش : خير خير وش فيه وش مسوي .
الشامخ : قفل فمك ياكلب ولاكلمة .
رموني داخل الباص .. وسارة السيارة .
حاولت جاهد الخروج لكن ماان افتح الباب حتى اجد ابو عمرنت يسير خلفنا بسيارته السوداء .
يالله الحمد لله انني أخذت كورس في حالات الاختطاف .
ياساده ياكرام , وصلنا المنزل الموقر . ونزلت من السياره ..
كتابات غريبه على جدران الشارع .. ابو صالح بطل العالم .
الرائد سفير القصيم , يسقط التعاون ويسقط الهلال ويعيش النصر .
وكتابات مخله بالادب تملء الوجه الآخر .
عموما , قاطع قراءتي ذلك هانمونو ,, تفضل معنا .
الخفاش : نتفضل نتفضل .

---
يتبع الجزء الثاني