[مدحت شوقي بريده]

السلام عليكم ..

كل عام وأنتم بخير ياأعضاء بريدة ستي ..
والله يا أنا ولهن عليكم .. مبطين عنكم وعن المنتدى ..
حتى جدتي موضي بتلة تقول .. والله إني ولهتن على بريدة ستي ..



قبل برهة أو برهتين .. وربما ثلاث بره من الزمن ..
وقبل حقبة او حقبتين .. او ثلاث حقب من هراطق الدهر ..


وبمجرد أن يأتي طاري ( بريدة العز والفخر ) بأي مجلس ..
وفي أي إجتماع .. تنطلق وبسرعة الصاروخ نكتة مالغة .. ملينا من سماعها ..
وكأن هالنكتة تؤم سيامي مع كلمة ( بريدة ) ماينفصلن أبد الآبدين ..



فمن يوم تقول ( بريدة ) الا وينقز لك واحد مثل ( الجني ) فاغراً فاه ويقول ..
بريدة .. بريدة ..

يقولون فيه شايب مسك واحد ( يدخن ) ببريدة .. وقاله ترى الدخان حرام ..
رد عليه الرجال .. وقال ( دخنا ) بمكة المكرمة .. وش عاد يابريدة ( طوووووط ) ..


فما تلبث الا وترى كل اللي بالمجلس متسدحين من الضحك ..
والمشكلة أنهم يسمعون هالنكتة ( المالغة ) كل يوم ..
وش يضحكون عليه ماأدري ..



ولكن وبعد عشرات السنوات ..
ينجح أهل ببريدة بصفع هولاء ..
وتلقينهم درساً في فن من فنون الهمة والعزيمة والاصرار ..


وكأني بأهل بريدة وهم يقولون .. ( الشاطر من يضحك أخيراً ) ..
كما هي عاااااااادة أهل بريدة دائماً .. بالتغلب على كل من عاداهم ..
بالعقل والصبر والفكر .. وقبل ذلك كله بتوفيق الله ..



كان هذا كله بعد أن توقفت جميع الأسواق والسوبرماركت عن بيع ( الدخان ) ..
بدعم رسمي من أمانة منطقة القصيم ..
وتأييد من قائد القصيم وفارسها الأمير ( فيصل بن بندر ) ..
بعدم بيع هذا السم الذي اهلك الأموال والأنفس ..

وجعل بريدة مدينة نظيفة من هذة السموم ..
وأثبتت للجميع بأنها تحاربه ولاترغب في وجوده ..



الآن .. بعد هذا كله ..
ماذا سيقول أصحاب هذة النكتة .. وهل سيرددونها بعد اليوم ..


شكراً أهل بريد .. فورب السماء إني افتخر بكم ..





سي يو ..

حميسة :

حميسة .. وجبة العيد المفضلة ..
حميسة برائحة الدم .. ولون الدم .. في يوم الدم ..


وقديماً قال العرب أن حميسة ..
هي حبيبة ابو العلاء ( المصلوخ ) .. والذي يكنى بابي العلاء ( المعري ) ..
وهي حميسة بنت ابي جفرة ..

.



.