 |
|
|
|
|
11-12-2009, 08:31 PM
|
#1 |
|
Guest
تاريخ التسجيل: Oct 2007
البلد: .
المشاركات: 3,735
|
~ .• l [ البَطَالةُ .. الأكّثُر مِبِيّعاً بِالأســــوَاق ] l •. ~
سيداتي سادتي في وطننا العربي الإسلامي الفسيح اينما كنتم .. أهلاً وسهلاً بأمينكم كلكم أبوكم  عساي أصقط كل سنة ولا انجح حلف ههـ(سيفين ونخلة مع طاسة سعبيل ووشوية قطع فشار على رقبتي ) إني ولهن عليكم كلكم  وخاصة طعركم التسبير أبو سر اللي كل ما دخلت المسن معه - موقتله دخلته المغربية  - صرفن مادري أنا لزقة أو هو ما يبين  .. بس قلبي ينبض بالإحساس والخفقان لمحبته ..  طوووووع .. طوووع.. طوووع << صوت قلبي ينبض بحبه  إيه نرجع لموضوعنا صارت هرجتنا لطرمبة الكنديشة  يا عيال اليوم جاي اطرح مشكلتي -الكئيبة الحزينة  - عليكم ، فما أدري من أين أبدأ  قدر الله علي وتخرجت الترم اللي راح .. (قولوا لا حول ولا قوة إلا بالله  )أثناء إستلامي الوثيقة طرت من الفرحة لأني ما دري وش تبعاته  .. ما دري إن مردي للتسدح والتبطح بالبيت كنت ما دري إن هالوثيقة ماهي إلاقريطيسة عادية ما غير مصبغة وعليه ختمين وتوقيعين يعني ما بينه وبين أورق كراسة التفصيل شيء كنت مادري إنه هي اللي تبي تجيب لي الدجة .. بعد ما كنت استلم مكافأة الجامعة  عاد تعال شف خشتي يوم يعطونن الوثيقة بغى ينفصخ وجهي من قوة ابتسامة الفرح (وإلا به إبتسامة حزن يا طرمبة )من قوة فرحتي بالوثيقة بغيت أتوهق وباشر على أهلي كيك أبو دويرة لولا الدجة .. تسان الحين متوهق وشاريلهم هذي فرحتي بإختصار اثناء استلامي للوثيقة.. وبعدها بدأت حياتي ما بين تسدح وتبطح ونبش في الأنف والجيوب الأنفية وتصييد بهالذبان مرة أنام المغرب، ومرة أنام عند رجلين أمي العصر وهم يتقهوون، ومرة أنام الساعة عشر .. صار حتى نومي مطاريس في مطاريس والأحلام بالنوم خذ رجل كلٍ حلمت به .. حتى جد أمي الثالث محلم به ، وبنات عمومتي الطعيرات كلهن ما خليتهن شفتن بالحلم حتى النوم صار يعاندن نوم الفجر اللي كان أطعم أحد بالعلم يوم كنت أدرس ما غير فاتح خشتي لجيت أروح للمطرسة من قوة النوم والحين تصير الساعة 9 الصبح ولا افتح خشتي ولا مرة حتى صرت خبرة ببواري التبيسات اللي يجن الفجر بتاع كله خبره ببواري الكلية الثانوية والمتوسطة والابتدائي صرت أراهن أختي على بوريهم .. ودائماً ما أفوز بالرهن ولمني قمت الصبح الساعة حدعش يبدأ دوامي مراسل لأمي .. دوك ود كيسةالكراث لعمك .. رح عب غاز لخالك لولوة قاضي غازهم يبون يصلحون غداهم رح جب ولد عمك فطيمة من المدرسة أبوه بدوام ولا يقدر يطلع ..هذا دوامي مع أمي الصبح ولصار العصر استلمن أبوي رح للسباك جب كرتون صغير مسامير صلب وقلب صخانة وكوع ربع بوصة رح سدد فاتورة الكهرب صرت تقل مصقال كيرم كلٍ يحلتن على الثاني  العالم راحت وأخذت المناصب وأنا رايح معي كيسة زنجبيل لعمتي راجع معي كوع ماصورة لبوي العالم تزوجت وعيلت وأنا ما غير ازقلب بالملفات ياما ركبتهن السيارة ياما نزلتهن بالبيت على طاري الزواج .. هذي نتائج التفكير بالزواج ارعص هنا << هذا اللي يجيك من الهواجيس  التصميم الأول هديه لأبو سر .. الحين بعد يجون يقولون إنك تغازل أبو سر  المطلوب في هذا الموضوع أن نناقش جميعاً مفهوم البطالة .. أسباب البطالة .. نتائج البطالة .. حلول للبطالة << والله ياااهو فلة حتسيي أصلح مشرف بالساحة  يالله قود بااي افتر نون  به واحد ضاف أيقونات دريم |
|
|
| الإشارات المرجعية |
|
|
النمط الأحادي