[سلافة الشرق]

السلام عليكم ورحمة الله وبركاته ؛

مبارك عليكم السنه الهجريه الجديده والله يجعلنا بكل سنه من المقبولين عند الله تعالى

وهو انا ماااكتب موضوع الا ببداية سنه جديده والا اول يوم عيد <<<

والمشكله يكون الموضوع يااما ((كارثه)) والا (( تحذير))

المهم ان ابوي الله يطول بعمره وبما انه يشتغل بمجال القطاع الصحي يقول حصل خلال هالأسبوع حالة

استنفار وضجه كبيره بالمستشفى وكل هذا بسبب انه شغاله اكتشفو به مرض (( الأيدز))

الله يحمينا واياكم والشاهد ان هذي الشغاله مع مجموعه من الشغالات فبيت كفيلتهن وهالكفيله

الله بالخير اتأجر هالمسكينه يوم يومين اسبوع شهر واكثر وكل الشغالات اللي عنده نفس الطريقه

واشتهرت هالمهنه عند اغلب السعوديات وخصوصا سيدات الأعمال القصمنجيات لما لقو من الأقبال

الجماهيري الكبيرر عليهن وانا بصراحه مااقول الشغل عيب (( من يقول الشغل عيب))

لاكن هالشغله اتخووف

بدايه من الشغالات كثرتهن اتجيب الزوع وشرهن اعم من خيرهن يادافع البلا

انتهاء بأنهن دائما مايجلبن المشاكل لصاحبتهن اما بهروب او بسحر او بمرض

انا من هالمنبر يوم سمعت الخبر قلت دايركت اقول الخبر مابه تشيوير >>> الترجمه (( مابه كلام))

عالعموم والله اني كاتبه هالموضوع عشان احذركم ولو اني كنت متردده اكتبه لأن اغلب الردود

بصراحه تخلي الواحد ياقول(( يادافع البلا مابالدنيا خير ))