[شيخ بريدة]

:.......وبعد:


رجعنا لكم ياشباشيب وعدنا والعود أحمد==>>> عود وإلا ربابة:D:D:D
===>>> نسيت إني شيخ هع هع:D:D


وطبعاً كنت اقامز بين المنتديات زي النحلة اللي تدور
رحيق مختوم===>> مايدري وش الطبخة:D:D:D

فرجعت لمنتدانا المملوح.......مالكم بكثرة القرق والهمق والخرط....


هذولي سواليفٍ طيبة قحشتهن من بعض المصادر الماثوقة وهذولي مايصلحن
الا بالليل وعلى جال ضويّة(جانب الضو) عشان تخرعون صدز ويدحدرن قلوبكم.
يعني مهب يوحشن بالحيل لالا هه حليلات==>>> بنات الحليل الدبي....

واللي عنده سواليف لا يبخل علينا (خلونا زي ساحات الاقلاع يسولفون حتى
بالردود مهب بس يقولون شكراً لا بل يزيدون يااخ العرب)....


وهذي أول سالفة:

هذا الله يسلمكم واحدٍ عتيبي==والنعم== راح بالشاص حقه للربع الخالي

ومعه اثنين المهم ويوم انتصفوا بالربع الخالي ومير ينوّخون الشاص:D

حتى ينامون! الزبدة قال العتيبي لاخوياوه: لاتنامون هنيّا ترى ان شافوكم

الحنشل ذبحوكم( حنشل هو قاطع الطريق واغلبهم زيود من اليمن )

الزبدة قال لاتنامون حدر الشاص ولا بوصطه لكن تعالوا معي...ومير يعيّون

اخوياوه قالوا لا نبي ننام حدر الشاص رح ماعلينا منك! وراح العتيبي

ونام بحدا النـِقــَر(جمع نـِـقـْـرِة وهي المكان المنخفض بين طعسين أو نفودين)

المهم ويوم قام الفجر ومير يسمع صوت ذبح بالسكين قغغغغغغغغغغغ

همن سمع صرخة واااااااااااحد!!!!!! ويفزّ ويجي للشاص ويشوف اخوياوه

مذبوحين ومنهوبةٍ كل اغراضهم و اثرهم الحنشل اخذوا كل الاغراض وهجوا..!!

=================
فاصل قصير: هاهاهاها==>>> بس عشان نطيّر الخوف:D:D:D

================
السالفة الثانية:


هذا واحدٍ يقول اني شريت جيب جديد(اظنه لاند كروزر) وسافرت به

لديرتي حول حدود اليمن المهم يقول هاك الطريق يوحححححششش كله طريق

بوصط الجبل وسيد وااااحد!!! يعني لو جك سيارة معاكسة كود تصفط يمين

عند الملابق الجانبية!! المهم يقول مسكنا الطريق ومعي أهلي واخوتي

وبزاريني ويقول وانا بنص الطريق واشوف بزر واقف بطريقي!!

يقول اني كنت فاهم بهالامور وادري انه حركات حنشل يعني لو وقفت عند

البزر جوك الحنشل وذبحوك انت واهلك ونهبوا اغراضك واذا صدمت البزر

صعبة يعني ترحمه!! لكن يقول ماش الشكوى لله!!! ابصدم البزر ابصدم..!!

يقول وادعسسسس واقرب له ومير اصدمه و يطير راسه ويثعب دمه@@@@@@@@@@@@@@

يقول وماتمت دقيقتين الا ووراي اثنين من الجيوب يلاحقونن ويكبسون لي

ويرمووون بالرشاشات!! المهم يقول طلعت الفـَرْد(المُسدّس) وارمي عليهم

لكن قضى الصتم فبلشت!! وواصلت طريقي ويقربون لي ويحكون مواترهم بي

ومير ألف على اللي على يميني ومير يطب من الجبل!!!!!ومابقي

الا جيب واحد يلاحقن ويقول واخفّ رجلي واكبس ام البنزين لين و صلت

لنقطة تفتيش وهذاك وراااي بعيد شوي المهم يقول علمت امن الطرق

ويجون ويمسكون هاللي لحقن وينزلووون يدورون خويه ويمسكونه.....

وقضت السالفة الثانية......


=================


السالفة الثالثة:

هذا واحدٍ اعرفه يقول لي من اوووووول كنا رايحين مع الحلقة لأبها

المهم يقول الساعة حدعش 11:00 بالليل نسوي مسيرة(مشي).......

المهم يقول هالمرة مسيرة غير شكل(( نرقى جبلٍ يوحش )) المهم

مفرقين الشباب لاربعة فرق تقريباً وحاطين علامة فوق الجبل اللي

ياصل له ياخذه وهي عبارة عن كفر وفوق كرتون تويكس((دبي اللي مختاره:D))

المهم يقول كل فريق معه طرطعان:صاروخ ابو عشرين ريال ودستة صواريخ ام عشرة

ودناميت وقراشيعٍ ثانية......المهم يقول جان ولد عمتي وهو مع فريق ضدنا

ويرمي علينا صواريخ وطرطعان ونبدا نرمي على بعض واصوااات وصجة ولجة..

يقول ونرقى فووووووق ومير نلقى اخويانا مرةٍ ثانية ونرمي عليهم

ومير تغلس الدنيا صدز(تغلس= تظلم) ونولع الكبس ونرفعه فووق......

ونسمع صوت يقول: طف النور(( بقوة وبخشونة ))....!!!!!!

تعجبنا وخفنا ونقعد ربع ساعة مسكتين من الخوف!!!!!!!!

ومير نشوف ربعنا يرقون لراس الجبل ونرمي عليهم طرطعان ويهجون ونبتل

نرمي همن بسم الله الرحمن الرحيم!!! سمعنا صوت طلق رشاش وواحد يقول:

اركدووووووووووااااااا!!!! همن هجينا من الجبل كله وجينا من باتسر

الظهر ونلقى الكفر محترق وكرتون التويكس ماخوذ وملهوووط:D:D:D:D

واثره به زيوود ساكنين بوصط هالجبل!!!


قضن سواليفي ونتمنى من المشرف انه يثبت الموضوع قسم بالله انه متعوبـٍ عليه.



===تنبيه==:

أنا ملاحق من قبل بعض المشافيح(الصحفيين) به صحفي اعرفه اشغلن مايترك

رد ولا موضوع لي الا وحفظه همن نشره عند معارفي هههههههه:D:D:D:D

فهذا اكبر سبب لتركي للمنتدى من مدة ولكن ولله الحمد ابجي هاليوم

وابناظر تسان هالصحفي نشر موضوعي ابمسكه واكوفنه لين يدوووووخ:D:D:D:D



وسلامي عليكم (( مديحيت ثبت الموضوع قبل اعلقك بالمروحة ))




@@ حقوق الموضوع محفوظة لشيخ بريدة واللي يبي ينقل هالمويضيع يزهم علي

بهالبريد:mhmd1408@hotmail.com@@

<<<===== بازن بموضوعك ياابو راس