[الـدعساوي]

السلام عليكم [ 3-5 ] أو صح مهب انا هذا , المهم سلمكم الله أنا هالايام طايحن بالسحب على خلق الله , واولهم انتم , كل يوم اليوم بنزل السالفية الثانية , والى يومك , عاد هالمرة جزمت مع اني بي نوم <<< بدى بالمنة

~ حيلة الخآآآآآآآيف ~
السالفة طول الله بعمركم هذي له يمكن فوق أربع أو خمس سنين , يوم أنا كبر وميض بالظبط , هاك المرة توي شاري موتر , ووقت شتاء ونعم , المهم مسكت انا وثلاثة من الشباب اننا نروح للتنهات الشوكي وهاك الفياض , تونا طافين , فعلا جزمنا على السبعاوي حبيبة القلب , واتجهنا فجر احد الايام , لاني مادري متى مشينا , المهم كان من ضمن الاعضاء واحد اذرق من صوايت الليل على ماقالوا انا هاك اليوم من قومه بس اني توي طافن بالموتر وجاين على وجهي عزبة وحركات , وفلة حجاج وخبركم الطيور جزومين << نص هالدعدة بالطيور , المهم اول يوم قعدنا بالشوكي , ويم جاء الليل قلنا نبي نطلع للتنهات نبيت به , لعله هجت بنا , ورحنا لترباعة مادري وش جابه , المهم بعد وصلنا ترباعة يمكن آخر العصر مع دخول المغرب , وصارت اول ليلة بترباعة , المهم جلسنا وظبطنا الحليب , وتقهوينا , وجاء الليل , وخينا الخوآف ماش مارتاح بالمكان , هاك المرة جاوه الطوع مرة وحدة , بدى يعطينا نصايح [ نهى النبي النوم بالشعيب , ولاتنسون الورد ودعاء النزول , مهب عادته بس الخوف يسوي كل شي , جاء واحد من المقاريد اللي معنا وبدى يسولف عن الجن << مثال عن الجن , وخوينا ياحول ماغير يتحقرص لاتحركت شجرة زوله الجني , المهم حلف خوينا اننا مانكمل الليلة بهاالشعيب , وقام ياحول يضفضف القش بلحاله ويدهر ويصفصف , وهو ماعمره حرك ساكن , ومن قرادة حظه اني يوم جيت اشغل السيارة , ماطاعت تشتغل , البطارية خلصت , وقام الرجال يدفدف بلحاله صار قرم , ولاوقف بس أشرت لخويي وقلت نبي سالفة عن الجن , عاد ترجع الروح لرفيزنا الخوآآف , وبتل على هالسيرة لين اشتغلت السيارة , ولعله ضيعنا شوي , وزاد الخوف عنده << بيني وبينكم انا هاك اليوم مانب مضبوط خآآيف مثله بس خلاص خوينا كفانا المهم وقفنا جنب المطينة حقت التنهات نبي ننام , اصبحنا وحنا مانمنا , لعل خوينا يوم جاء ينام قال انا بنام بالسيارة , وراه ياعدل يابدل قال انا ما أقدر منامي مليان ماء , شفت المنام ولاصدز به ماء , بس الغريبة انا منامه بالنص , فوقه منمات وتحته منمات , وشلون جاء فراشه الماء , اثر خوينا شغل مخه أول مانزلنا , أخذ له قارورة , وكبه على فراشه وانهى المشكلة , ونام بالسيارة , بس ياحلو راح الليل وهو مانام كل شوي قايم ومقفل الحبات , يتوهم انه ماصكرن
وطول الرحلة وهو على هالسيرة , بالليل تضيعه تلقاوه بالسيارة , وبالنهار تبطح وتشذيب بهالخلق , خوينا الخوآآآف ما أذكر انه فكر الا بهاك اليوم وعقبه قفل مخه وضيع مفتاحه
السالفة كتبته وانا منترس نووووم , فلا تدققون واجد
وتوتة ياتوتة وانتهت التورتة

يالله ترانا ماشفنا شي منكم , نحتريكم يامال القطع