[أبو ريّـان]

أبوربـى ,, وشو السعلو .. شكله حقت شيبان , تخويف الأولين
عاد حصان القايلة هذا لي سالفة معه ,, أهلي يوم أنا صغير كانوا مايبونن أطلع بالشمس أو بالشارع وقت الظهر,,
فيقولون ترى يبي يجيك حصان القايلة ,, عاد أنا مصدقهم ومتوحش إلا درجة إني أنس بالحوش بشويش ,, وأناظر جهة الغرب من عند بيت الجيران ,,
أتخيل حصان القايلة يطير ويوقع بحوش البيت

وفيه طريقة تخويف جديدة ,, وهي ترى يجي يأخذك البلدي ,,
وولدأخوي ريّان, مايخاف إلا من الشرطي ..
فإذا سوى أي شيء نقول له ترى ننادي عليك الشرطي ,, فيخاف ويركد
على كذا شكل مستقبله مطلوب أمنيًا ..
الله يصلحهم يارب