[•°انكسار الأماني°•]

ياسيد أنت واجد تهمك المظاهر ,
بوجهة نظري مايهمنيش وش نوع المطار المهم إن الطيارة تودين وتجيبن ويالله لك الحمد ,
مطار الملك خالد كويس وش فيه واسع وأنيق ومهذب وبلاش زيادات وخرابيط مالها داعي ,
بل إن مطار القصيم كويس خـخ بس لو يعجلون علينا ولايرصوننا بعض الأحايين الله يصلحهم ,
نصيحة لاتناظر لدبي ومادبدب هذولا بتوعها كلمة مساكين عليهم قليلة , والحق إنه أغبى مدينة بالعالم و بتطفى شعلتها بعد كم سنة ,
صدق ماعندهم سالفة أجل ديرة كبر حي الهلال يحاولون يخلونه شيء ولابعد ليت الفلوس من جيوبهم رايحين يتسلفون من بنوك بريطانية وأبلشهم براون يقول سددوا ,
هذ فوق إن أهله متضررين من كثرة هالقراشيع , فلايجي ببالك أنهم مبسوطين بالعكس إسألهم تلاقيهم بقوة متضايقين ,
ترى الحياة ياسيد أكبر من فندق ومطار , للأسف فهم الأغلب للحياة غلط بس ودهم يعيشون ويستانسون ومع السلامة .
الحياة هدوء وطمأنينة مش معقولة كل يوم بازخين لنا مطار يهايطون فيه كأفضل مطار بالعالم وحنا بالمقرضى ولا ربع فايدة نجنيها ,
وإلا جزيرة يدفنون البحر علشان يرزون فوقها كم فندق ليلته بـ 8000 وكم مطعم عشاهم بـ 800 وكم مدينة ألعاب وأسحب من دراهم هالناس المهبّل ,
ياليت هالملايين اللي بتدفع لأشياء تافهه تعطى الشعب يبنون لهم بيوت بدل الأجارات وكمان يشترون لهم سيارات ماتتعطل كل يومين ,
وإلا يبنون بهن مشافي و مراكز صحية على مستوى عالي علشان لاجاء مريض مايقولون له مالك سرير ياضرير ,

,