[الغرشوبه]

السلام عليكم ورحمة الله وبركاته
بداية شدني موضوع اخي السامي البريداوي عن الاخوان وعلاقتهمامعا
مماجعلني اكتب هذاالموضوع لما له من اهميه ولغفلة الناس عنه:









انها الام


اصبحت علاقتنا بالام سطحيه يعني ولدهالاهي بحياته وبعياله يجي يجلس
عنده يفقع راسه باللي صاربشغله اليوم وينسى يسألها عن احوالهاوش تحتاج
مضايقه شي تعبانه يحب هالراس ويطلع والبلا ان كان معهابنفس البيت يمر
عليه مرور الكرام يحب هالراس ويطلع وان كانه ماتزوج عاد ادهى وأمر
لاهي مع الشباب سهربالليل ونوم بالنهار!!!!!!!!!!!!!
انت تضمن انك بتلقاه بكرا اذافضيت من اشغالك ترى الايام تمر وانت ماانت
منتبه لنفسك وعمرك تراك تبي تندم بكرااذاجيت تدورها امك امرأه ضعيفه
تبي مراعاةتبي تحس ان عياله مهتمين به موبس اقوال الابالافعال

ابي الان كل واحد منكم يحاسب نفسه من ناحية امه
-كم مره يجلس معه باليوم واذامتزوج يجي كم يجلس معه من وقت
-يسالها عن كل شي حاجاته-نفسيته-صحته-كل احواله
-اذاجيتهاتحب راسه بس ولاايدينه والاقدام
-شف وش شعوره اذاحبيت راسه ويدينه وخدينه!!
-وش تجيب معك من اللي تحبه اذاجيته؟
هذا واتمنى من الجميع النقاش بهذاالموضوع لاهميته
لاني وللأسف ارى نماذج سيئة وامهات يبكن من هالناحيه
وخاصة من عياله المتزوجين!!!!!!!!!!!!!!!!
اسمحولي ماصفيت كلامي بس هذا ماجاد به قلمي
شاكره لكم مروركم الكريم