[صادقة الود]

- الامتحانات على الابواب ..
لذلك صقطوا الباب زين ..


سلامووو ..


كيفكم صبايا ..
يعني صبيان .. >

----------------------------------

وش اخباركم مع المذاكره
والحووسه والكتب والاقلام ..

توبك ~
- الإختبآرـآات ابتدت .!
والنكد حان طاريه ..



والدروس الي ما تنفهم ..
منا قلم ومنا دفتر ..
مناك كتاب قالب على وجهه مستشر .. !

ما يمدين امسك المذكره الا اشوف الكمبيوتر وانقز له . عجزت اعكف على دروسي
الله يستر بس .. بتطلع النتيجه وتجيب البلا معه






فاصل / احد مثلي استدار راسه من الرياضيات .. !
قسسم قسمات احس الي مألفه مشعووذ ..

طلاااسم لا له ام ولا ابوو .. !
اجل يقولتس 4+2 = 1

المشكله تسذووبين .. يخلون الواحد هدر
والله انلللحس مخي لحس ..
احل مسأله .. ولا انتهيت من الثانيه ولاي ناسيه الاولى ..


تصدقون حتى المشعوذ يقول اللهم اني بريء منها .. مير الله يصلحك يا فيثاغوس
تسيف تسذا .. اشقيت روحك واشقيت امه وجيل ورا الثاني !

قال ايش قال ..
لتشغيل المخ والذهانه ..

عنبو بليسك شغل مخك وطفه لحالك .. وه تسيف تسذا ..

حتى بررررد الوحده تقصعر هي واوراقه تحت الفروه ..
وبما اني ما اتعدا سريري بتاتاً البته .. فانا دراستي نوم ..

انام .. بالسرير ..
اقوم .. على السرير ..
اسهر .. على السرير ..
اجلس على النت .. على السرير ..
اكل .. على السرير .. < من هذا المنطلق .. الي يضيع ماعون بالمطبخ .. يجي يدوره تحت سريري ..
اكلم .. على السرير ..

وعلى هذا الحال ..
حتى لُقبتُ .. بالراجنه ..


يعني بالله تبون الواحد يعطي الدرس وجه ؟
لا شفت الوساااده اشووت المذكره واللي جابه و انام اصرف ..

توبك ~
- إختبآارآت ولحس مخ .. وجو يغري للفرـآاش ~







وقت الاختبارات اقبح وقت بالعالم ..
لامني دخلت مسن مابووه احد كل العالم دوافير يدرسون ..
- لا اله الا الله ..
ولا ماعندهم امتحانات مثل بعض احد ماودي اقول اسمه .. ولا لا ؟ يا القلب الوردي ؟

همن غصب تمثلين انتس مستانسه وما همتس الاختبار ويقالتس عادي ..
عشان ما يفرحون عليتس .. ذذ

التوبك في هذا الحال .. !

أذاكر وابتسم واضحك .. وانا في داخلي مقهور !

- ماظفيت شي ..


والله الصدز الصدز .. قمة القهر ..
تدرسين وفيه احد ما وراو شي مستانس

اياكِ اعني واسمعي .. يا شسمتس ..


توبك ~
ضآيقتني هالدروس وأشغلتني هالدفآتر ..
بيدي كتآبي وقلبي مآعطى للدرس بآله !!






حتى ليت الواحد لامن عككككف وتقطع وتمصع ..
جت الاسئله سهله ..
لازم يحرفووون ويقلبووون ويلعنون والدين السؤال .. !
لدرجة حول يصير سؤال لجواب ثاني ..

ولا تجيب سؤال خارجي ..
يامال الي مانب قايله .. الحين الكتاب مليون صفحه ..
والفين مليون معلومه .. ماسدتس ؟ جعله تنسد مصارينتس

يحبن الشقا هالمدرسات .. لا قال ايش قال ذمه وضمير ..
ايه هذا الي فالحاتن به ..
ماتجي الذمه والضمير الا بالدراسه ..

مير حسبي الله عليكن .. < يوم قضت حاشّه وسابّه ذذ

توبك ~
مآكل ماآيدرسه المرء يفهمه .. تأتي الإختبآرـآات بمآ لاتحتوي الكتب !





قضت المقدمه

الزبده من هالموضوع ..
ابي حوستكم بالدراسه .. تصورونه ..


يعني تذاكرين تكتبين مسأله .. تشخبطين صوري ..
وورينا شغلتس





حوستي العزيزه

1/



2/



3/




لا احد يضحك على الخط ..
تقل ملحووقه


والله من الكده بمراكز التحميل
تسيف تسذا حرب اعوذ بالله .. !


هذا الموضوع برعاية :
دفتر روكو







BRB

بروح اكمل الرياضيات واجي ..