[زهرة بريدة]

كلن رده راجع له

وتبقى القوة لك بأنك تسحبين عليهم ولاتنزلين نفسك بالرد عليهم

أنتي جزاك الله خير جبتي لنا الخبر على نيتك حتى لو كان مو صحيح أصحاب العقول الكبيرة والرائعة والمحترمة يقدرون يردون بكلمتين ويقولون (( جزاك الله خير أختي وياليت تتأكدين من الخبر لأنه ممكن يكون كذب ويصدقونه الناس وهو ما له أساس من الصحة ))

هذا إذا كان فعلاً محترم واللي يرد غير هالرد لاتردين عليه رده راجع لنفسه ومايستحق حتى أنك تفكرين مجرد تفكير بكلامه

القوة يالغلا مو انه يجيك الواحد مسوي فاهم ويعرف رياء والا غيره وهو لسانه وسخ وراعي سب وشتم وتلعين

المفروض عرفتي الإنسان من ردوده السابقه انه يبي يلفت الانتباه غصب ويسوي انه القوي الفاهم وبكل موضوع يسوي مشاكل ويسب ويشتم ويقذف ويلعن خلاص تجنبيه وهذي القوة لك مو له ولا لغيره

عموما وسعي صدرك ونزلي مواضيعك بكل ثقة واللي مو عاجبه مو لازم يمر على مواضيعك ويضيع وقت ^_^

ويعطيك ألف عافية أختي وتقبلي مروري المتواضع من زمان مارديت بالمنتدى لكن متابعة دايم لكم