بريدة






عـودة للخلف بريدة ستي » بريدة ستي » سـوالـيـف كـشكـولـيـة » تجمع شباب بريدة ستي للنقاشات المفتوحة

سـوالـيـف كـشكـولـيـة الطرائف و الألغاز

 
 
أدوات الموضوع طريقة العرض
قديم(ـة) 18-02-2010, 03:04 AM   #13
كآيدهمـ
مشرف سواليف كشكولية
 
تاريخ التسجيل: May 2009
البلد: دآخلـ آلكشـ كوووووولـ
المشاركات: 4,863
اقتباس
المشاركة الأساسية كتبها الهاديو
والله موضوعك شبه منتآز

بسم الله نبدأ

1- الابتدائيه

ابقولكم قصتي ومعاناتي في الابتدائيه والمتوسطه والثانويه

في ايام الابتدائيه الله لا يذكرها بالخير

كانت علاقتي فقط مع عيال عمتي

مافيها شيء حلو اتذكره

كل الي اتذكره اني أنجلدت باللي الاحمر

لين تصلخت يدي

وطبعا لا اخفيكم عن نفسي في الصف الاول ابتدائي كنت طالب مجتهد ومن الاوائل بالفصل كنت اجيب الثالث من الخلف وكان وعدننا 21 نفر

عاد نجحت باول ابتدائي وحتى مدري كيف نجحت اذكر اني كنت دجاجه صقعا :s

وفي الصف الثاني ماذكر شيء نهائيا وحتى مدري كيف نجحت


اما صف ثااااااااااااالث

اوووه هالصف هذا مستحيل انساه تدرون ليش لإني رسبت في مادتين

الاولى كانت مطالعه

والثانيه كانت أملاء

المطالعه فيه قصه البقرات الثلاث الحمراء والبيضاء والسوداء

ياهي طوووووووووووووويله عندي

وفيه قصه ثانيه العسل الي فوق الجبال

هذي القصتين اكرهن كره العما وهن الي رسبني في المطالعه


اما الاملاء طلعت لي قرون بالفصل كانت صعبه

وعدت سنه كامله علشان هالمادتين ونجحت بالمطالعه بدور الاول






2- المتوسطه

كل اخوياي الي بالابتدائيه جو معي في المتوسطه

لأننا ناس طايح حضنا كل مانوصل لاخر سنه يحطون مدرسه جديده عندنا

مثل لما وصلنا لسادس حطو مدرسه متوسطه بالحي

ولما وصلنا لأخر سنه بالمتوسطه حطو ثانويه بالحي عندنا

يعني مافيه امل تجدد اخوياك


يالمتوسطه اول يوم واول درس لي

استقبلني مدرس بعصا حقت الباب 4 ضربات وانكسرت بيدي << يقطع القلب

واذكر بعد المدير خمني كف والله مدري وشلون رفع يده حسيت خدي يوّن

3- الثانويه

هنا كانت الزحف على الأصول

طرد من الفصل

وسرقنا فطور المدرسين

وجننا مصري مدرس رياضيات

حتى فيه شباب راحو لبيته بليل وكسرو قزازه سيارته

وسرقنا اسئله الاختبار الشهريه لكن واحد علم المدرس نكبنا وغير المدرس رقمين المسائله ولقى حلنا واحد خخخخخ << نسخ لصق الحل ماعندنا وقت

ومن غير اوارق تهديدات نرسلها للمدرسين
الكليه



هنا احسن ناس تعرفت عليهم والحين انا تخرجنا من الكليه لنا سنه

وعلاقتنا مستمره لحد الآن







وبس

عسى ماطولت عليكم << جاز له الموضوع


مشكور كاديهم



اشكرر مروؤك احبيبي وامتعتني بقرائته واحس
ان السواليف خلصت مع اخوياك الي بالمدرسة
من اول ابتدائي الى ثالث ثانوي وهم معاك

لا تطويل ولا شي
اهم شي تكون مستانس بالموضوع
واتقبل مرورك لنقاشي الثاني بصدر رحب
كآيدهمـ غير متصل   الرد باقتباس
 

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 02:33 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)