[أبويوسف~1514]

السلآم عليكم ورحمة الله وبركآته

يآنآس تكفوووون لو انتم بهالموقف
ولو نه بسييييط مررره لكن موقف مظحك وبنفس الوقت مخززززي ومؤسف

مرات من المره كنت توي جاي من البر انا وخمسه على غمارتين

من البريكه وسموده والحمدلله على السلآمه يوم وصلنا

اشارة الفروسيه من عند عسيلآن جتن فكره قلت اصور الاشآره

مع الساعه وكان باقي على النهائي بين الهلال والاهلي

10 دقايق اول مارفعت الكاميره ظغت على زر التصوير

ماصورت كان الوضع على التقريب اللي هو العزل

ومعه فلآش وخرت الوضع وحطيته ليلي يوم صورت بدون فلاش

ابصك الكاميره يوم دريت الا العسكري ال........

يضرب الديكور كنت راكب قدام يقول لي اثباتك بكل وقاحه

وحقآره طيب ممكن تقول لي وش تبي انا مفهمت وش سالفته
الا سحب من كميرتي وراح عند نقطة التحكم بالاشاره قال تبيه الحقن

شفتو الوقآحه انا امري لله لحقته وكان الاخ من خارج بريده مب من بريده

ولا تسان ماقال لي تسذا

المهم جينا لم حظرته اول شي انا لحالي بعدين لحقون العيال

بالسياره اقوله سم آمر يقول بأي حق تصورن

اقول ماصورتك يقول انا في عملي واطيق النظآم وفي مجآل دآئره حكوميه

واقول ونعم اسلك له ابشوف وش آخرته معه

اقول له يآابن الحلآل جب الكاميره>>>>وهي مب رخيصه 3500

يقول ابوديك للبحث الجنآئي لآه تسني مصور أوبآمآ بغرفته

المهم اقوله افتح الكاميرا اذا بقيت صوره وحده خذه لك وأسجنن

الرجآل تورط وانا اجزم واقسم بالله ان هالعسكري مابه أمآنه لان موقفه

وهو يقول هآت الكاميرا كان موقف استفزازي لي انا وكان معه خويه

وخويه يكلم مب لمه والظآهر الرجآل يبي يشوف المباراة

ومنقهر......~}

الله لآيحلل اللي مسك له سلطه على الشعب
هذا حده راعي...~}