[المنخرش]

اقتباس المشاركة الأساسية كتبها الخييال الله يجزاك خير ويبارك في جهدك وغيرتك أما أنا بانسبة لي فأنا كتبت إسمي وأرفقت رقم جوالي ، وأعتقد هذي حرية شخصية ، والله أعلم بالنيات . ولو كل واحد فرغ نفسه للبحث ورا الناس ، هذا واش حاط وذا واش لابس وذا واش وذاك ليه كان راحت وقتنا كله بدون أن نتفرغ لتخليص أنفسنا من أشياء أهم بكثير من تلك القشور . أستغرب ليه ننظر بعين الريبه لكل جديد ونفترض الأخطاء والنوايا السيئة . يجب أن نحسن الظن ،،، بارك الله فيك تقبل مروري بصدر رحب ،

كلام جميل ,,

لا مايحتاج أحد يحسن الظن
إذا أحسن فهو له وإن أساء قهو أفضل لك

أنا لايمكن أحط رقم جوالي بالبلوتوث .. هذا ان شغلته بعد
لكني لا أعارض أي شخص أن يضع رقم جواله .. او رقم (هيكل سيارته)

وانتم وش علاقتكم ..


الواحد لديه حرية شخصية .. حتى في الحريات والخصوصيات لكم علاقة فيها

اطلعوا من حياة الناس شوي ..
شوفولكم شغله غير الناس ..

اقتباس المشاركة الأساسية كتبها الصباخ ممكن تعطينا طال عمرك فائدة واحدة من وضعك لاسمك ورقمك في البلوتوث؟ العقلاء يعلمون بأنه لا يعمل بمثل هذه الأفعال إلا سفهاء العقول ممن يبحثون عن المتعة والغزل. بعدين من وين نحسن النية؟

وانت من عشان أعطيك فوائد ان احط رقمي ..

ياقلبي .. انا حر
وإذا ان مافيه طرق لحسن النية ..
اتحداك تجيب رجل الهيئة وتقوله هذا حاط رقم جواله بالبلوتوث ..
وشف وش يبي يقولك .. بس لاتجي لمي

اقتباس إلا سفهاء العقول ممن يبحثون عن المتعة والغزل

أخطأت في هذي يابوسليمان ..
فحكمك هذا .. طعن في جميع من وضعوا ارقام جوالاتهم في البلوتوث .. وهذا خطأ

طيب أنا مانب راعي أسواق .. إذا حطيت رقم جوالي في البوتوث .. في البيت .. او في الاستراحه ..

هل هذا يعني اني أغازل أختي .. وخوياي في الأستراحه ..


ياعالم ..

ياناس ..

رب بنتك على النهج الاسلامي .. وصدقني .. لو تحط صورة (كاكا) والرقم خمسات
ماراح تلتفت ولا رمشه له .. لأنها معلمينها أهلها الآداب والطرق الصحيحه ..

ولو تجيب بنت من هالصايعات وتدخلها حلقة تحفيظ .. لقيتها معجبه بمدرسة الحلقه والداعية .. حقتهم

المسأله..مو ان البنت تنتظر رقم جوال في البلوتوث وكأن الرقم هو العائق

افتح جريدة الوسيلة .. وشلق من هالأرقام وخذ من هالتوليف .. وخذ من الكذب والترزز بأرقام مميزه

ولا حس ولا خبر ولا أحد يدري عنهم ..



ياناس اطلعوا شوي .. وابعدوا عن قذف الناس وسوء الظن ..
وانتم وشعليكم منهم ..

خلوهم يفتحون باار ومراقص .. عندنا دوله تحارب هالشي ولله الحمد .. ورجال حسبة شايلين هم الدين فوق كتوفهم .. جزاهم الله عنا كل خير ووفقهم في دينهم ودنياهم ..


لكن كل شي له حدود يا أحبابي



محبكم/أبو فهد