[عـ :]

بسم الله الرحمن الرحيم
السلام عليكم ورحمة الله وبركاته

كيفكم شباااااب <<< بتفخيم الباء .

السالفة اللي أبي أقوله حقيقة 100 بالمية .

في أحد أيام الربيع الجميلة وفي إحدى الفياض الخضراء في الصمان <<< وش رايكم طير بر صح .
كنا كاشتين ويوم أن أضلمت الدنياء وجلسنا نحتسي فناجيل القهوة ونلحقها ببيلات الشاهي ونحن قاعدين أمام النار <<< الله يحرمكم لهيبه .
وبعد أن أكلنا وجبة العشاء ودخلنا إلى الخيمة وكلن إنجطل في فراشه وصكط على روحه بداخله <<< إلا أنا علشاني دووب لازم واحد من العيال يصك فراشي لي .
ودخلنا كلنا في نوم عميق إذ بخوينا مالك حس بآلام في مصارينه وخرج من الخيمة وأخذ معه قنينة ماء وتريك <<< يعني كشاف .
ولكنه ما أخذ نظارته <<< هنا مربط الفرس بالسالفة .
يقول مالك : أول ما طلعت وأخذت القنينة وعبيته من التانكي اللي كله شباء -طحالب- رحت لوسط الفيضة بعدين فكرت <<<لا عمرك تفكر أولاااه .
وقلت في أعماق قلبي : ما يصلح أعملها داخل الفيضة وبتلت أمشي إلى أن طلعت برا الفيضة وسويت المقسوم وطيحت اللي براسي واستانست .

ولكن حدث ما لم يكن في الحسبان ألا وهو أن التريك <<< تو معلمكم إنه الكشاف .
خرب وصار ما يشتغل والدنياء مغيمة وأنا ناسي نظارتي بجنب فراشي .

عاد قعدت أصوت لكم لأني ما أدري وينكم واستدار راسي <<< كان بوووه أكثر من 4 خيام بالفيضة .
وأصرخ : عثمان عثمان عثمان ، عمر عمر عمر <<< ذولا الإثنين لو تبدأ تقومهم من قبل الإذان بنص ساعة ما يمديكم تصلون إلى والشمس طالعه من قوة ثقل نومهم .
وأنا أصوت جاء الفرج وما كنت أضنها سوف تنفرج جاء واحد وولع لي النور ورحت لمه وسلمت عليه وصار شايب ومكشر .

قلت لوووه : إن أخوييا مواترهم هيلووكس وباتروول رصاصي ما تدري وينهم .
قال لي : رح طول منا وتلقاهم بآخر الفيضة .
قلت لوووه : جزاك الله خير.
وجيت مستانس لمكم ، بس يالللأسف <<< هل كتابته صح علي وإلا لا .
استدار راسي وأختلفت علي الجهات وقعدت أصرخ من جديد وجاء الشايب يولع لي تريك <<< مليت وأنا أوقل لكم إن التريك هو الكشاف .
ورحت ورجعت لمه وأنا بي الصيحة من الخوف وقلت له إن راسي استدار .
جاء الشايب وولع نور موتره -يوكن- لم جهتكم ومسك إيدي ومشاء معي خمس خطوات همن طقن مع علباتي طقه خفيفة وقال لي : ذولاك أخوياك ولا تشغلنا .

عاد وصل لمنا بسلام وحنا ما ندري وش السالفة ونام شوي ويوم قمنا نصلي الفجر وأول ما سلمنا كنا ناوين نصفر <<< ناخذ غفوة إلى الظهر .
عاد وحنا قاعدين نستغفر قال لنا السالفة <<< لو إني منه كان عضيت على شحمة وما قلت السالفة لأحد .
وكلنا تسدحنا من الضحك وطار عنا النوم وشبينا ضونا وتقهوينا وكيفنا .

# ـ يوم صارت الساعة حول 9 الشايب اللي وصف لمالك قاعد يتمشى بالفيضة يوم وازنا قعد يصرخ هو واللي معه يقولون : عثمان عثمان عثمان عمر عمر عمر >>> وحنا متسدحين من الضحك .

وأقول بالختام :
يا وجد قلب على الصمان وفياضه
وجـد الذي ...... وضيع ربوعه

محبكم : عـ :