 |
|
|
|
|
23-04-2010, 03:32 PM
|
#1 |
|
عـضـو
تاريخ التسجيل: Apr 2010
البلد: Al-Qaseem
المشاركات: 85
|
[ سواليفٌ مِن وَحيّ المَزرَعة الربعه ]
4
في أحد أعياد الفطر .. كان العيد بالمزرعة ! بعد ماتعيدنا وصلوا الناس الظهر .. كانوا أهلنا يتفرقون .. كلّن ينام ببيته ويرجعون يجتمعون العصر ! أبوي الله يحفظه ما عنده به ! مستحيل يخلينا نجلس مانروح للبيت ! عاد سماحتي يوم طلعوا يصلون الظهر .. كان فيه بيوت طين زبنت حداهن وتغبيت لين دورون وملوا ومشوا للبيت ! نبي تفاعل مع التوليف كنت ليلة العيد مزيّن [ نبيطه ] 5 في 3 عشان أجدع طرطعان الفحم فوووووووق ! ويصير طرطعاني أعلى شي ! اجتمعنا أنا وكم نفر من عيال عمي ولا ندري وش نسوي ! بالمزرعة بلحالنا ! والظهر بعد .. هلا بيك ! طبعاً ذيك الأيّام العيد بالمربعانية .. أنواع البرد .. والأمطار والوناسة ! لعلي تذكرت النبيطة .. ومسكت معنا نطرطع فحم ! الظهر الله لا يعادزبنا ! طلعت النبيطة من المكان السري << وقلت هااتو فحمكم أوريكم وش أسوي به ! وناسة تسذا .. كلن يعطيك تطرطع له ! يعني مافيه خساير أبد .. وأنت المستانس الأول إيه .. وحلتنا الُولى .. طبعاً الظهر الشمس فوقنا .. ولا نشوف نور الفحمة .. بس نسمع الطقطقة ! كان فيه 60 نخلة تقريباً طواااااال ! وتحتهن تبن ! << لا تعيّر ! يوم نبطت الثانية .. صرت استعجلت عليه .. يوم وصلَت الأرض بدت تطرطع .. ! وين ؟! على التبن ! أنا مافكرت به أبداً .. حتى إني قلت عطونا الثالثة .. يوم جلسنا شوي وإلا وش تشوف ! التبن قاااااااب نيران ! العيال واحد منهم قال أبدق على الدفاع المدني قلت أنا يااااااويلك ! << تسد صار مثل تسذا واتهمون وكتبت تعهد وهو ماهوب أنا وشلون لا صرت أنا ! قلت لعيال عمي تعالوا يا Xxx ورحنا نركض للبيت بتوع المزرعة .. وازبن المطبخ وخذ القدور وكل واحد مسك له قدر وعبيناهن ماء ! كل هذا تم في سرعة فاااااائقة والحمد لله سيطرنا على الحريق بعد نصف ساعة يمكن ! شرايكم بالقيادة عاد << عمومتي العصر شافوه وسألونا عنه .. قلت أنا ياقدمكم بعد .. توكم تشوفونه ؟! هذي له أكثر من اسبوع معلقين به الدقر ولهن بقية .. عسى الله ييسرهن كل السواليف ايام التموسطه >الدشاره< نبي تفاعل مع التوليف قصدي السواليف |
|
|
| الإشارات المرجعية |
|
|
النمط الأحادي