[مدحت شوقي بريده]

هلا بالبي دكتور الأدب سلمان ..

اقتباس ، أبي : سلمان ! سلمان ! ، فتحت الباب واقتربت إليه وضمّني إلى صدرهِ وهو يقول : لا تبكي ! ها أنت معي ..

ماشاءالله ..
حسيت انك هايدي على هالمقطع ..


اعلمك بعد .. والله ياحظك ماشاءالله بهالأب اللي يخمك عقب مانساك ..
ياويلي يبي يحسسك بالآمان ..




ودك تشوفن انا يوم ينسونن اهلي مره ( بمخيم ) ..

قعدت اصيح .. قلت ايه تلقاهم فرحانيين هاللحين يوم نسون ..
لأن شكلهم هاجين عن هج .. يبون الفكه من ..


وانا قاعدن اصيح عند باب المخيم .. وعندي الحارس يقولي مافيه مشكلة اللحين يرجعوا ..
يدورون عليك ويعرفون انهم ناسينك بعدين يرجعوا لك ..

( شكله يناظرن ويقول .. وش الله بلان بهالتفخ ) ( هذا يبي لوه ميزانية لحالوه ) ..


شوي الا اشوف نور سيارتهم مقبل على المخيم .. واستانس قلت هذا ابوي واهلي مايخلونن ..

وادخل اركض اجيب نعالي وشماغي .. وهم يوقفون عند الحارس السوداني ..
وأسمعهم يقولون للحارس .. معلييش نسينا برميل الغاز حقنا تكفى رح جبه من المطبخ ..

قالهم الحارس السوداني .. وكمان فيه برميل تاني نسيتوه ياخي ..
ابنكم ياخي .. مادايرين الولد ..


قال ابوي من اللي ناسين مانسينا احد .. ( والله ياهم مادريوا عن ) ..

وانا اجيهم اركض وصوت الا انا انا نسيتون ..


ويفتح ابوي باب السيارة وينزل .. قلت هاللحين يبي يقول ياحبيلك رحنا بسرعة وماأنتبهنا لك ياوليدي ..


وانا في سكرتي وغمرة فرحتي .. الا وهاك الراشدي بخدي لين طارت حواجبي ..
هاللحين ياهالهر ياهالدب ماتشوف اننا نبي نروح .. وراه ماركبت معنا ..
دبشة انت ماتفهم .. تشوفنا راكبين السيارة نبي نروح .. وانت قاعدن تدربي هالدميجة تناظرنا ..


يالله اركب يالله انجز علينا ..

احمد ربك اننا نسينا برميل الغاز ورجعنا ..

ويشقلن ويجدعن بالصندوق .. ونرجع للبيت ..



دكتور سلمان .. عمت صباحاً يالبي ..



سي يو ..