 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
08-07-2004, 02:58 AM
|
#1 |
|
عـضـو
تاريخ التسجيل: Sep 2002
البلد: بلاد الحرميــــن
المشاركات: 165
|
التدخين ... بداية حقبة جديدة لبناتنا
السلام عليكم ورحمة الله وبركاته المكان : برج المملكه . الاشخاص : انا واختي ( مناقشه في السياره ). - تخيل وش شفت هناك ... شئ فظيع  أنا- وش شفتي باللهي ... لاتقولين لي عبايات وصياعه وضياعه .... خابر انا هالشئ وحذرتك منه  - لا لا افظع من كذا بكثييييييير ... ماراح تصدق ... مجموعه من الطاولات في كافيه قسم مملكة المرأه مكتوب عليها ( NO SMOKING) أنا- طيب على بالك تعرفين انجليزي ولا شلون يعني  - لا مو الدعوه كذا بس تخيل معي طاولات في قسم النسائي مكتوب عليها ممنوع التدخين ... باللهي هذا مو شئ غريب أنا- يمكن حاطينها كذا داخله مع البرستيج حق مطاعهم - لا ... انا فكرت كذا بالاول ... بس تخيل بعدين لما دخلت مطعم داخلي وش لقيت انا- وش لقيتي ؟؟؟؟؟؟؟؟؟ - مجموعه من البنات سعوديااات ويدخنون عااااااااادي جدا ولا احد لمهم ولا هم مهتمين لحد ... ولا وينادون الفلبينيه عشان تجيب ولاعه بعد  أنا- لا لا لا تباااااااااالغين موب لها الدرجه ... لاتخربطين علينا بس  - اقولك قسسسسسسسسم بالله جعلي اموت كل سنه ( <<< باللهي هذي دعوه )  أنا- ياشيخه كان يمسكونهم الهيئه...يمنعونهم السكيورتي ... مو معقوله الدنيا منفلته لها الدرجه  - اقولك يدخنون قدام الناس والناس عندهم عاااااادي كنه ولا شئ صار . أنا- معقوله  ------------------------------------------- انتهى بصراحه انا تنحت بعدها ... معقوله وصلت حالت بناتنا لها الدرجهانا كنت قاري موضوع قبل فتره عن التدخين للسعوديات هنا في هذا الرابط تم حذف الصورة الموجودة لإحتوائها على مخالفة شرعية ... بس بصراحه ماصدقت ... وقلت نوع من انواع المبالغه .... لانه اول اذا دخنت المراه كنا نقول ان الساعه قربت .. وفي ذاك الوقت بعد .. الرجال أنفسهم إذا دخنوا كنا نحطهم في خانة كبار الفساق .. التدخين الحين صار خطوة أولى للمرأة السعودية تعلن عبره تمردها على وضعها، وترسم أحلامها في سحائب دخانه، وتتحدى ( حسب التفكير الغربي الي مسيطر عليها ) الرجل . اليوم بعد ماصار في المملكه ... اتوقع اي شئ بكره يصير ... بنت وسعوديه وتدخن !!!!!!!!!!!!!!! ووين بعد ؟؟؟!!! في السعوديه وقدام الناس وشلون تجي ذي ودي اعرف ؟؟؟؟؟!!!!!!!! معقوله تكون هذي بداية حقبه جديده للمرأه السعوديه ؟؟ معقوله ان المرأه السعوديه المسلمه تتنقل وفي شطنتها باكت دخان وتعتبره من المقتنيات الثمنيه والمهم بعد الي لازم يكون معها دايم ؟؟؟!!! معقوله تفلتت الامور لاخر حد عندنا ؟؟ معقوله بناتنا استولوا عليهم التفكير الغربي بكل معانيه ؟؟!! معقوله صار شئ عادي ولا احد هامه ؟؟؟!!! اسئله واسئله .... الخ ومحد يدري بكره وش يصير ماراح استغرب اذا بكره بنت تطنب وراي بالسياره عشان تسقط علي لاحول ولا قوة الا بالله اللهم اهدي بناتنا وشباب المسلمين يارب العالمين والسلام عليكم ورحمة الله وبركاته أخوكم نبض الإنسانية
__________________
آخر من قام بالتعديل الوسيــــــم; بتاريخ 08-07-2004 الساعة 06:12 PM. |
|
| الإشارات المرجعية |
|
|
النمط الأحادي