[درر الوداعين]

اروي لكم هذه القصه الحقيقيه للعبره !!

فيه واحد جاه ضيف وما كان يعرف متى يالضبط يجي .

المهم جاه الضيف المغرب وتقهوى عنده طبعا الرجال استحى ولزم عليه بالعشى

وطلب عشى من الطباخ صحنين

والضيف كل ما قال ابمشي قال راعي البيت الا تعشى شوي الحين يجهز العشى .

وعلى هالحاله.......

وطبعا هو موصف للطباخ البيت ودافع له الفلوس.

يوم تأخر الطباخ كلم عليه قال وين العشى قال موصله لكم قبل نص ساعه !!

وركض على الجيران قال اكيد غلط وعطاه الجيران وهم ما يدرون من له .

ويروح يدق عليهم قال ما جاكم عشى بالغلط قالو الا والله جانا صحنين

صحن اكلناه ميتيييييين من الجوع عائله تتكون من عشره انفار قال طيب على الاقل الصحن الثاني قالو والله ارسلناه لعمتنا اللي فوق"

مطلقه وعندها سبعه اطفال ميتيييييييييين من الجوع "

ورزقن ساقه الله لـ هالعائله المحتاجه كانو ميتين من الجوع ولا يجدون ما يسدون به جوعهم


ورجع على ضيفه قال ما اقطعك كان تبي تمشي مهنى عشى وقاله السالفه

وما قدر يطلب عشى ثاني لانه اخر الضيف واستحى ان يأخر زياده