مواقف طريفة مرت على عدّادين الإحصاء

المنتهي215 · 13-05-2010, 04:10 PM

نبي كل واحد يعطينا المواقف الطريفة اللي مرت عليه سواء من العدادين أو الأسر اللي مروا عليها العدادين وحصل لهم موقف معه
وأبدأ بنفسي بما إني عداد
والمواقف كالآتي /
الأول / إني طقيت على بيت وطلع علي رجال قال نعم
عرّفته بنفسي
قال أقولك أنا أدري انه فلان مرسلك يمّي تبي تذبحني
قلت له أنا ..
قال أقولك أنا عارف انه غدّار ولا يواجه الرجاجيل
لكن إذا مارحت من اهنيّا والله ومان الله إني لا أذبحك ذبحة الشاة
طبعا بهالوقت تخيلت انه ذبحني وبكرا بعناوين الصحف بالبنط العريض مواطن يقتل أحد العدادين وتفرح صحيفة عاجل بالخبر بما انها تفرح بالأخبار الشينة والسيئة والفضائح واللي مامنها فايدة إلا نشر الغسيل وتشويه صورة المجتمع
المهم قلت له ياعم أنا من التعداد وهذي بطاقتي
قال أقول عوّد وراك .... عوّد وراك أحسن لك
في الأخير ضحك وقال تفضل أعطيك البيانات
دخلت عنده وقلت له وش السالفة قال أنا عداد مثلك وحصلي هالموقف وقلت أبيك تذوق ماذقت
والثاني / دخلت عند واحد وقعد يمليني البيانات عطاني اسمه بعدين زوجته بعدين اعياله وبعدين أهله كلهم واخوته اكثارين الله يصلحهم
طبعا ملينا استمارة واستعنا باستمارة إضافية وعطان اسم الشغالة والسواق
وفي النهاية قلت له خلاص مافيه بيانات ثانية
قال إلاّ فيه قلت وش هي
قال البيت مافيه إلا أنا وزوجتي وبنتي ادع الله انه يصلحه قلت الله لا يصلح بك مبط إبره
ليش سوّيت كذا قال وبكل برود أمزح معك
بغيت أرتكب جريمة لكني تعوذت من إبليس
وأخيرا سألني واحد قال وش لون أعرف العداد يمكن يكون مزوّر البطاقة
قلت شف اثيابه إذا فيهن أثر طامس وقلم رصاص وقلم أزرق وأخضر تراه عداد

13-05-2010, 04:10 PM	#1
المنتهي215 عـضـو تاريخ التسجيل: Jul 2006 المشاركات: 190	مواقف طريفة مرت على عدّادين الإحصاء نبي كل واحد يعطينا المواقف الطريفة اللي مرت عليه سواء من العدادين أو الأسر اللي مروا عليها العدادين وحصل لهم موقف معه وأبدأ بنفسي بما إني عداد والمواقف كالآتي / الأول / إني طقيت على بيت وطلع علي رجال قال نعم عرّفته بنفسي قال أقولك أنا أدري انه فلان مرسلك يمّي تبي تذبحني قلت له أنا .. قال أقولك أنا عارف انه غدّار ولا يواجه الرجاجيل لكن إذا مارحت من اهنيّا والله ومان الله إني لا أذبحك ذبحة الشاة طبعا بهالوقت تخيلت انه ذبحني وبكرا بعناوين الصحف بالبنط العريض مواطن يقتل أحد العدادين وتفرح صحيفة عاجل بالخبر بما انها تفرح بالأخبار الشينة والسيئة والفضائح واللي مامنها فايدة إلا نشر الغسيل وتشويه صورة المجتمع المهم قلت له ياعم أنا من التعداد وهذي بطاقتي قال أقول عوّد وراك .... عوّد وراك أحسن لك في الأخير ضحك وقال تفضل أعطيك البيانات دخلت عنده وقلت له وش السالفة قال أنا عداد مثلك وحصلي هالموقف وقلت أبيك تذوق ماذقت والثاني / دخلت عند واحد وقعد يمليني البيانات عطاني اسمه بعدين زوجته بعدين اعياله وبعدين أهله كلهم واخوته اكثارين الله يصلحهم طبعا ملينا استمارة واستعنا باستمارة إضافية وعطان اسم الشغالة والسواق وفي النهاية قلت له خلاص مافيه بيانات ثانية قال إلاّ فيه قلت وش هي قال البيت مافيه إلا أنا وزوجتي وبنتي ادع الله انه يصلحه قلت الله لا يصلح بك مبط إبره ليش سوّيت كذا قال وبكل برود أمزح معك بغيت أرتكب جريمة لكني تعوذت من إبليس وأخيرا سألني واحد قال وش لون أعرف العداد يمكن يكون مزوّر البطاقة قلت شف اثيابه إذا فيهن أثر طامس وقلم رصاص وقلم أزرق وأخضر تراه عداد آخر من قام بالتعديل المنتهي215; بتاريخ 13-05-2010 الساعة 04:13 PM.