[فلونه]

السلام عليكم ورحمة الله وبركاته
انا ياناس عندي ضرس مسووس وتاركته يعني قعدتت وقت طويل وانا مستحملة وجعه بس اكل من الفيفادول واتصبر لاني اخآآف من ابرة التخدير والحفر و....الخ
وبعد وقت طوووويل اراد الله اني رحت للاسره بحط تقويم وطلبت الدكتورة خلع وحشوة ومن ضمن اللي طلبت انه يصلح الضرس اللي معذبن انا مسميته (ضرس الفيفادول )لانه بس يوجعن واكل فيفادول واحيانا اسميه (ضرس العذاب )وطبعا ماعلمت احد ابد غير اقرب صديقاتي لي وبسس ولاادري وش دخلها هكاليوم يوم اني قلت لها بس يمكن من الوجع مالقيت احد اشكي له الا هي لاني لو اقول لاهلي قالو لي روحي للمستوصف و...الخ
المهم
على طول رحت للاستقبال وقلت ابي دكتورة زينه للاسنان قالت عندنا اميرة ومنال و..الخ المهم قلت وشو احسن شي عنكم قالت ماادري تبين اميرة قلت انا على خيرة الله خلين عندها ورحت لمه وحسبي الله ونعم الوكيل عليها قالت لي لازم نشيل الاعصاب وشالت الاعصاب وشالت عقلي وقلبي معهن اقولكم ليه:
وهي طبعا تدخل الابرة اقسم باللة مااكذب عليها انها تدخل الابرة وعيونها وعقلها مع اللممرضة تسولف معها وانا اتالم والدم ملا ف مي وهي مو مهتمه والله اول مرة اصيح عند الدكتورة واسنان صدق اني اخاف منهم بس ماصحت ابدد ولله الحمد المهم قطعت اول شي من الاعصاب وبعد طيران عقلي من الوجع تستخف دمها ورتني اياه قالت شوفي العصب وانا طبعا اه احس اني بنفجر بس مسكت اعصابي لانها كانت حامل ومدري وش دخلها حامل مو حامل بذيك اللحظه ماقلت شي قلت اية حامل ماراح اقول لها شي >>شوفو الرحمه احم احم
المهم والثاني والثالث وقلبي يتقطععع والدموع مثل النهر تنزل من عيوني >
واه واخيرا حشته وحشوة مؤقته ولاقالت لي انها مؤقته قالت خلاص خلصنا ياحلوة وفي ذاك الوقت وهي تقول هالكلمه>>(ياحلوة) >اللي كان يدور في بالي (لاحلا لك يوم بحياتك ان شاء الله )بس بصراحه بعذري خلتني اشوف الموت بعيوني ذاك الووقت ورحنا منها وتبت قلت لاهلي توووبة ماراح اسوي شي عندها ورحت لحبيبة القلب نيفين العائلة كلها عندها بالصفوة ولا به بالاسرة منال بس كانت باجازة هي رووعه والكل يمدحها ونيفين بعد والله خلعت لي 4 ماحسيت بهن وحشت لي 1 والله مدري وشو هاللي حشت بس تشتغل باسناني والادري الضرس فوق ولا تحت و لا وش قصته طبعا بعد اميرة تعقدت من شوفة الابرة بديت اذا شفتها تصير فيني دووخه وتنزل دموعي غصب ويوم رحت لنيفين ياعمري المسكينه ازعجتها تبي تخذر الضرس علشان تحشية وانا بس اقول لا لا لا ونقعد ساعه انا وهي على بال ما يهدي رراسي عن الوجع بس ماقالت شي ولاعصبت
المهم بديت اعاني من الضرس اللي حشته اميرة يوجعن لو اكل احس بكهرب بضرسي واذا اكلت ليموون اموت من وجعه واسككت كاالعادة اتصبر لاوهالمرة متعقدة زيادة من اميرة الله لايحللها
المهم مع الايام طاحت حشوة الضرس واسكت قلت الحين اقول لاهلي اعاني من ذاك الوجع مرة ثانية لا لا وكما يقال العقرب ماتلدغ من جحرها مرتين >>مو متاكدة انه صح المثل بس بكيفة
اية ومع الايام بداء الضرس تخرج منه رائحه كريهه اكرمكم الله واذا اكلت يوجعني ووجعه ضعف الوجع الاول بس اسكت وفي يوم من الايام مادريت الا فيه قطعه قطن في ضرسي وخرتها وهي مليانه دم زيادة عن الدم اللي يخرج كذا اكرمكم الله واسكت ومن بكرا حسيت في خط في ضرسي الله يكرمكم وحبي اوخرة ويوم جريته طاحت قطنه الله يكرمكم لونها اخضر وبداء الدم بالخروج طبعا اهلي عرفو لانهم سمعو صراخي من الوجع>>كنت اصرخ بغرفتي
وطبعا كل يوم يقولون يلة روحي اليوم للمستوصف واكذب عليهم اقول تعبانه مالي خلق خلوة بكرا او اقول اتصلت وقالو ان الدكتورة مو موجودة >> من الخوف انا يعني خلقة اكرة دكتور ودكتورة الاسنان وعقدتن اميرة زيادة
واراد الله قبل اسبوعين كان ضرسي مطيرني من الوجع والريحه اصلا كنت اعقمه بالمطهر >>على طريقتي الخاصة وتروح ريحته ولا كان ماصبرت
بس صارت ريحته اله يكرمكم ماتحتمل قبل اسبوعين رحت لمستوصف الطب السعودي قلت بجرب ويوم رحت قالو الدكتورة مو موجودة تعالو يوم الخميس وتجي صبرت الى الخميس ورحت الخميس قالو لاتجي السبت >هناطفح الكيل مليتت قلت بروح لنيفين قالو >>يوم الاحد ماتجي الا السبت والاثنين والاربعاء >>كانت كل يوم ؟
اه قلت ماراح اصبر وقالت لي امي انها نظفت اسنانها عند امل في مستوصف الفليو ويدها خفيفه ماتوجع قلت خلاص قالت امي يلة نروح الحين >>كنا جالسين ننتظراخوي يجي ياخذنا من المستوصف الصفوة
قلت اية وقبل لايجي اخوي ب10دقايق وصلني خبر منعني من اني اروح للمستوصف قلت لامي خلوها بكرا قالت خلاص وفي الغد وبعد صلاة العصر رحنا لمستوصف الفليو ودخلت بعدطوول انتظار على امل كان عندها زحمة دخلت قلت لها انه عندي ضرس مقطعه اعصابة ويبي له بس حشوة قالت خلاص ويوم شافته والله العظيم عيونها طلعت وقعدت تصررخ قالت وش هذا الضرس مايبي لة بس حشوة يبي له تعقيم وتنظيف وفيه سوس وقالت مين اللي سوته لك الله لايحللها حسبي الله عليها شو هي عاملة >>من هول ماراءت
قلت لها الحكاية انها اميرة و...الخ
وقالت مين دكتورة التقويم ليه ماقالت لكو انه مسوس غبيه غبيه هالدكتورة مين هي وكانت مستعدة تقوم لانها كانت تحسبها الدكتورة اللي عندهم تبي تصرخ عليها وتوريها الشغل
قلت لا هي بالاسرة وبداءت بنت الحلال بالشغل نظفته شوي وجابت ابرة وجلست اصرخ وهي طايرة عيونه تقول شو بك قلت انا تعقدت من الابر وشوفتها وجلست تهديني وحطتها والحمد لله ماحسيت الاخفيف وجابت ابرة ثانية مالها برواز>>يارب تفهمونها طبعا اللي يصير بوسطه شي
وخلاص انهبلت لاني تذكرت ابر اميرة اللي قطعت بة الاعصاب ودخلته واوجعتن قالت اعطيك ابرة تخدير قلت لا لا خلاص استحمل وطلعته وحطت قطن وحشت موقت وقالت راجعين يوم .....
ولازم تلتزمين بكل جلسه احددها
وهذه حكايتي مع الزفت اميرة

ولا اقول الا حسبي الله ونعم الوكيل عليها
ومشكورين على صبركم على طوول القصه