[سحابة عابرة]

السلام عليكم ..

موب لازم قرق كثير على طول ندخل بالموضوع ..
جايبه لكم حلى بصراحه غريب وسهل ويواجه عند الضيوف ..

المقادير ..
بسكويت شاي >> اي نوع ترغبينه انتي ..
بسكويت أبو ولد القديم ..
بسكويت جوزاء ..
بسكويت أوريو ..
نستله .


الطريقه ..
اولا : تطحنين البسكويتات التاليه طحن ناعم ..
بسكويت الجوزاء وبسكويت الشاي وبسكويت الاوريو ..


ثانيا : تغمسي بسكويت ابو ولد بالنستله وتحطينه بأحد البسكويت الملونه ..
وتصفينه بصينيه لين تخلصين الكميه ..
بعدين تحطينه بالثلاجه تقريبا ربع ساعه ..
بعدين طلعيه وحطيه بصحن التقديم ..
وهذي صورته بعد ما انتهيت منه ..


انا زدت ايضا فستق مطحون احس لونه طالع شي ..
تقدرين تضيفين اي نوع اخر مثل جوز هند او غيرهـ ..
طبعا اول شي صفيته بصحن ..

وبعد حطيته بفازهـ طلع احلا شكل ..

وحطيت جواته كسرت بسكويت شاي وبسكويت جوزاء .. ويحبذا تحطي طبقات عشان يطلع شكله احسن ..
يصير طبقه بسكويت شاي بعدين بسكويت جوزاء وبعدين فستق وبعدين بسكويت اوريو .. يطلع شكله روعه ..



وهذي من فوق عشان تشوفو شكله بس ..


وصحة وعافيه على قلوبكم حبايبي ..
واضغطي على الصورة اذا تبين تكبرينها ..