[بريداوية فلة]

السلام عليكم ورحمة الله وبركاتة
مادري من وين ابدى ولا وش اقول عن مدرسة فجر القصيم الفاشلة
لو تدرون وش حصل اليوم وش كان تصرف الادارةكان عذرتون بكتابة الموضوع
الله لايسامحها المديرة
اللي صار انة كنا الساع عشر جالسة انا وصديقتي بساحه وكان قدامنا بنت متركية على الماصورة وراسة شوي طايح على الماصورة وجلست انا وصديقتي نضحك عليها نحسبها ونايمة >>>على نياتكم ترزقون
ويوم صار الساعه 11جن الباصات نبي نطلع جن صديقات البنت لمه علشان يطلعن جميع لقنة متركية على الماصورة يوم جن يهزنه يحسبنة نيمة يوم طاحت عليهن بالارض صار مغمى علية البنت ولا درينا عنه المسكينة له ساعه يوم اخترشت المدرسة وبدن يركضن صديقاته ويجيبن ماء وانا وصديقتي معهن ورشيناه ماء يوم جات وحدة من الشغالات ومسكت يدةورفعتة وطاحت يدة منه قالت يوة هاذا في موت رحت لم الاداريات وقلت فية بنت مغمى علية حولنن لغرفة المديرة رحت لغرفة المديرةاثرة مشاء الله طالبة من هرفي وجالسة تاكل وماتدري وش يحصل بالمدرسةوطالباته ذولي امانه برقبتة قلت استاذة فية طالبة مغمى عليه
توقعو وش قالت المديرة لي قالت فلانه قلت اية قالت ايية خلية ذي دايم تطيح وانا اعرفلةانا انهبلت من ردة فعلة توقعتة تسوي شي عضيم تحط اللي بيدة وتجي طيران للبنت مير ماقول الى الشكوى على الله والله يخلف على من دخل بناته لهالمدرسة ورحت انا للبنت اشوف عنه اثرة الى الان وهي مغمى علية والبنات ياعمري هن منفجعات ومرعوبات من صديقتهن المغمي علية وهن يويلي من الروعه مايدرن وش يسون
جت المديرة اللي هي ×××××× بدت تهز البنت بيدة قالت فلانة يالله قومي بسرعه الباصات جت روحي لبيتكم والبنت محستبة ولاتدري اصلن وش تقول قالت والا ادق على اهلتس بالجوال يجون ياخذونتس بالله عليكم هاذي مديرةهاذا تعامل تعامله الطالبات بةوالصاعقة الكبرى جت بنت ثانية يوم شافت زميلتة مغمى علية طاحت هي بعد شكلة ماتحمل ياويلي هي وسوت ×××××× قالت يالله قومن ولا ادق على اهلكن بسرعه لا شكلي ابدق على اهلكن وصار حنا انهبلنا من تصرف ×××××× الله لايسامحها وقامت وطلعتنا للباصات ولاندري عاد وش صار على البنات الله يعافيهن انشاء ا
وانا اقول ×××××× لو كانت هاذي اختس او بنتس اواحد اقاربتس والله العضيم مراح تسوين تسذا تسان علطول الاسعاف عند الباب وتسوين للمدرسة صجة ولجة تراتس لو ماسويتي مع البنات مثل تسذافية اللي اقوى منا ومنتس انتي مسؤلة عن البنات كل اللي بمدرستس امانة برقبتس واهلنا واثقين بس امحق
وغير تسذا تصرفاتهن معنا ترانا داخلين بقروشنا المفروض حنا اللي نمشيكن على كيفنا داخلين بفلوسنا وليتنا بس مصرفنا فلوسنا على الفاضي لناس ماتستاهل رحنا لحكومية
وانا اقولكم اختي تدرس بالحكومية صراحه تعاملهم يجنن ولو طاحت بنت عندهم كان كل طاقم الادارة والمعلمات يسعفونهن تكلملي عن مدرستهم ولا اهلية بتعامل معهن وحنا داخلين نبي الوناسة والتعامل الزين وامحق من دخلت ما سمعت من ارررررريجوة كلمة زينة او تفتح النفس دايم هوش بهوش
وماقول الى الله يخلف علينا اللي قضينا سنينا بهالمدرسة
ارجو المسؤلين متابعة مدرسة فجر القصيم الاهليةبسب اهماااااااالها