[مهندس الكلمات]

اليوم وديت اخو لمنتزه الهدية خصوصا انه معطل وفاضي وانا بعد فاضي مثله المهم قبل وصولنا لمنتزه الهدية كنت اتوقع ان المنتزه يكون شبه فاضي خصوصا ان الوقت يصادف الامتحانات النهائية للطلاب وغير كذا اليوم كان يصادف يوم الثلاثاء المفاجاة التي لم تخطرببالي هي الزحمة الكثيفة والغير متوقعة من زود الزحمة الواحد ينتظر الثاني متى يروح ويوقف مكانه !!! تخيلوا !!! المهم مالقينا مكان وقلت يله مشينا لمنتزه الجراد المهم وصلنا منتزه الجراد يوم وصلنا منتزه الجراد قلت يازينك يامنتزه الهدية وقلت لخوي يالله مشينا لمنتزه الشروق المهم وصلنا منتزه الشروق الاوالزحمة موجودة لاكن قلت خلنا نزاحمهم وش ورانا المهم المشكلة الاولى شبه انحلت لاكن طلعت مشكله ثانية وهي الحشرات ومن ضمنها ..... الصراصير .....قلت لخوي يالله مشينا للبيت اخوي جاه الصياح الاصاح من كثر البهذله ولسان حاله يقول ليتني ماعطلت!!!! وانا ايضا لسان حالي يقول وش يكفينى حنا يااهل بريدة !!!!

على الرغم من ذلك مانقول الا...........يحول يلي ماله بريدة..........