[د / ماسنجر]

في زماننا .. تختلف الشخصيّـات وتختلف القلوب
في صدق نواياها .. من كذبها

[poem="type=1 font="bold x-large 'traditional arabic', arial, helvetica, sans-serif""]اللي يخون اليوم .. صعبٍ تحبّه = واللي تحبّه حيل .. صعبٍ تخونه
بعض البشر لآبان لك ما بـ لبّه = تلقاه يغرز وسط .. ظهرك طعونه
وبعض البشر لاجاك .. قبله مهبّه !! = تكره مكانٍ فيه .. شبهه ولونه
وبعض البشر يِدْعِي لك الحَبّ قبّه = يستعجل بردّه .. ويكثر ضنونه
وبعض البشر مثل العسل يوم صبّه = تشتاق لعناقه .. وشوفة عيونه
وافي ومخلص في دروب المحبّه = وزودٍ على ذلك .. مشاعر حنونه
وإن غاب عن ناظرك .. قلبك( تشبّه = نيران شوقك له .. ولمحَة جفونه )
وإن حلّت الفرقى على الخدّ كبّه = دمعك .. وجرّ القاف بأعذب لحونه[/poem]

28 | 4 | 1428هـ

د / ماسنجر

علق عليها مباشرة | زوايا