 |
|
|
|
|
01-07-2010, 06:34 PM
|
#1 |
|
عـضـو
تاريخ التسجيل: Sep 2009
البلد: ksa .. وهل في ذلك شك ؟
المشاركات: 3,592
|
لمن أرادت منكن الحصول على درجة القدرات العاليه وعن تجربه مني فلتتفضل هنا ..
صباح / مساء الخير أساتذتي الغاليات ..
سأدخل على عجلا لحبي لكن أحببت أن أفيدكن في هذا الأمر .. طبعا كلنا نعلم ما يشكله هذا الإختبار من خوفا وقلق لكن بإذن الله ستخرجين من هذا الموضوع بفائده .. أكمل يا حبيباتي .. طبعا الإختبارات لطالباتنا بجده مواعيدها عندنا من السبت الى الثلاثاء وأظنكن مثلهن .. المهم المقصد من ذكري لهذا أنه وقت الإستعداد قصير فهو على أقلها يومان وعلى أكثرها خمسة أيام .. طبعا هذه السنه أتيحت فرصتان للإختبار وهذا شيء جميل جدا للحاصلات على درجات عاليه بالفتره الأولى .. ومما والله دعاني لكتبة الموضوع على والله إنشغالي ما رأيته على شريط بدايه من حبيباتي وتضجرهم من درجاتهن.. سأعطيك بعضا من الإستراتيجيات المعينه لحصوك على درجه عاليه ومنها وهي من تجربتي .. أولا ثقي بالله وتوكلي عليه تمام التوكل واعلمي بأنه لن يضيع لك جهدا وتعبا بإذنه سبحانه .. واعلمي أنه ليس فقط بقدراتك ستتجاوزين هذه المرحله بل بصدق توكلك عليه والحاحك بالدعاء .. ثانيا رضا والديك عليه اسعي له وعليك بدعائهما لك فولله من الدعوات التي لا ترد دعوتهم .. بس بذكر شيء طريف هنا مع أنه ليس بمكانه بس عشان تونسون شوي .. يوم دخلت الإختبار شفت وحده من الطرش كذا جنبي عاد هي قبل الإختبار دقت على ماما وبابا .. عاد قلت يا بنت وراه ما تدقين حتى انتي المهم دقيت على أبوي والمشكله سماعه خارجيه لأن جوالي خربان .. عاد قلت أبوي ادعيلي وهو يقول وش فيك ما دخلوك وقلق وأنا أضحك وأقول لا بس ادعيلي كان يقول والي جنبي يسمعونه .. والي يقولك دوري شغله غيرها والله فشله ودقيت على أمي بعد كان أختي ترد وقلت عطني أمي أبيها تدعي .. والله يا بنات صرت متفشله كان تضحك بصوتها كله والله يالعاطفه جاتك على فجأة وتضحك وما تعطنيه .. عاد عصبت وغفلت الجوال وقلت أستاهل أسوي نفسي مثل ذولا .. << ترى الموقف دعابه بس ولا يا حبي لهم والله يطول بأعمارهم على طاعته .. عاد نرجع للهرج المهم .. ثالثا لا تعتقدي أن القدرات يعتمد على محصولك الدراسي فليس لهذا علاقه به أبدا .. فكم من متفوقات لم يتمكن من الدخول وكم من كانت علىالنقيض وتجاوزت الإختبار بجداره .. إذا أبدا لا تجعلينه مقياس وأعلمي بأن لكلا منا قدرات كامنه ... أما عن الإستعداد له ومما قد أخطأت به أنا وأحب أن أفيدكم به عدم كثرة الكتب عن القدرات .. فمثلا أنا ما بقيت كتاب بجرير الا شريته ووالله لم أستفد منها كثيرا إنما قللت لي من حد التوتر .. وكذا بالعاميه ولا جاني ولا سؤال منها يمكن بس بعضها والله حتى مو كلها على نفس الفكره .. ومما أذكر شريتها رام 1 وقبول 1 هذا بس طالعته مع زميلتي وإختبار القدرات العامه وما أدري وشو والله كمالته .. لكن أنا ما أقولك لا تقرين ولا تقتنيها لكن إكتفي بواحد فهي نفس الفكره والمضمون ولا يأتي بالضبط مافي نفس الكتاب .. والأهم وهو الذي لم أقوم به لم أقوم بالإطلاع على منتديات يزيد التعليميه لأني ببساطه لم أستطع لضيق الوقت .. لأني جعلت كل الوقت بالكتب .. عن يزيد التعليميه مره يا بنات ممتازه وتفيدك كثير وبشهادة الجميع من زميلاتي وحتى أنا اطلعت وأحسست أنه مفيد .. وعن الدورات لا تهتمي لها فلقد دخلت دوره للدكتوره هدى الأهدل وحتى أخبرتنا أنها تحضر لشتى مدن ومنها بريده .. لكن بصراحه ما أضافت لي شيء كثير مجرد السي دي الي إستفدت منه حق المواد التحصيليه .. يعني أكمل طبعا الدورات إن لم تدخليها ولم تسمح لك الفرصه فثقي أنها لن تضفي لك شيئا كثيرا ... الإستعداد يا بنات شيء مهم بإطلاعك على منتديات يزيد التعليميه لأنها تحد من توترك جدا وكتاب واحد كفيل بهذا ولعلي أفضل رام 1 .. أما عن إستعدادك ليلة الإختبار نامي يابنات مهم تنامين عشان التركيز والملاحظه وحتى الحد من التوتر والقلق.. إعتمادا على الله أهم شيء .. وترى لو جينا للصحيح ترى والله هو الإختبار توفيق وتساهيل من الله ولا يعتمد على إجتهاد .. أما في لحظات الإختبار هدئي من نفسك وتوكلي على المولى وأعطي لكل سؤال حقه .. والي ما تعرفينه لا تبلمين عنده لأنه من المحال حلها جميعا .. أي ألي ما تعرفينه خمني وأنا الخيارات للتخمين حصرتها بالباء والدال وضبطت وربي معي بس مو كل شيء .. يعني بس الي مره ما تعرفينه وما قدرتي تحلينه مو كلها لأنه ولد عمتي حطها كلها باء ودال وجاب بالخمسين يعني راسب .. إجعلي نفسك مركزه على السؤال ففهم السؤال نصف الإجابه .. وكل قسم تنبهي للوقت المناسب له .. والأهم ونسيت أنبه عليه من البدايه الي جابت درجه نازله بالأول لا تهتم مو مهم وهم يأخذون الأحسن .. وإلي أخذت الأحسن تهتم الحين بالتحصيلي .. ولله الحمد ما كتبت لكم هذا الا لحصولي على درجه عاليه وما توفيقي الا بالله ولأني ببساطه كنت بيوم مثلكم .. وحبيت أفيدكم وياليت الي عندها الحين بنت ولا أخت بهالمرحله ولا هي نفسها تراجع هالموضوع وتدل عليه .. وأي سؤال مستعده له سواء هنا أو على الخاص والأفضل يكون هنا ليستفيد الجميع .. وأعذروني إن قصرت بحقكم وعلى تأخري بإنزال الموضوع وإدعولي بظهر الغيب هذا والله أهم شيء عندي .. وعاد بشرونا وعقبال ما نشوفكم دكتورات .. ملاحظه .. ما تكلمت عن التسجيل لأنه أظنه واضح وأكيد أصلا سجلتم والي ما سجلت تلحق الله يرضى الله عليكم .. والأهم عند حضورك للإختبار تكون معك إثبات الشخصيه سواء بطاقة أحوال ولا بطاقه ذكيه ورقم الإشتراك ورقم السجل المدني .. وأيضا تنبيه : صحيح قسمي علمي بس الي ذكرته ترى يشمل كلا القسمين لأنه ما بوه فرق .. ورد
__________________
أخشى أن أعتقد أنني أحيا وفق ما يرضي الله.. ثم أكتشف بأخر الطريق أنني على خطأ وأن الطريق غير هذا :( سورة الضحى ماسحة الأحزان، مذكرة بنعم الرحمن، تدبرها يزيد الإيمان، فتدبرها تجد عجباً. |
|
|
| الإشارات المرجعية |
|
|
النمط الأحادي