[مدحت شوقي بريده]

امي ..
أمي ربة بيت امي ما احلاها ..
كيف البيت يكونو .. لااعرف لولها ..

حضرت امي مساء أمس محاضرة الشيخ محمد العريفي في مخرج 16 ..

ويوم رجعت قامت تقص علينا .. وش صار له بالمحاضره ..

تقول امي البي حبيبت أبوي ..
أخاف اقول امي حبيبتي يقعد يلزخنا الشايب .. يقول هي لي والا لك ..

بسم الله نبداء ..

تقول غفرالله لها ..
ياحليلهم .. ياحبيلهم ..
أول مادخلنا مع الباب وينطحننا كوم هاك البنات ..
لابسات تنانير سود وبلايز بيض ..
(( اقوله ياميمتي اخاف انك داخله حوش برابر مهوب المحاضره ))
( قالت لي .. أها بس انثبر )
وياخذن عبايتنا ويقولن ياهلا والله ويامرحبا ..
ويمشن معك وهالقهوه والشاهي والحلى ..
أننا ياوليدي تقول حاضرين عرس .. مهيب محاضره ..

حتى البزارين حاطين لهم خيمه وفيها كل الالعاب .. اجدعي عيالك به .. وتمتعي بالمحاضره ..
حتى الشيخ اللي هم جايبين يضحك .. والله انه قطع تسبودنا من الضحك ..

وياحبيلهم يوم قضت المحاضره وجينا نطلع ..
ويلحقننا كومة هاك البنااااااااااااات .. ويقولن ..
تكفون لاتخلوننا باتسر الله يعافيكم إيتونا ..
ترى فيه شيخ يبي يجي باتسر من القصيم .. عاني علشان هالمحاضره ..
تعالوا للمحاضره وتوسعون صدوركم ..
انتهى كلامه .. غفرالله لها ..

ونحن بدورنا ..
نشكر الأخوه والأخوات القائمين على هذا المخيم الدعوي ..
ويكفي مثل ردود هذه الأفعال من كبار السن ..
اللاتي اجزم ان بعضهن ( ينودن ) ومع ذلك استفادو .. فمابالك بشريحة الشباب والفتيات ..

وأخير ..
سي يو ..

معاني الكلمات :
ينطحننا .. وهي بمعنى يقابلننا .. والنطح بمعنى المقابله بعنف .. فيقال نطح الثور سليمان الهدر ..
كوم .. وهي تقصد العديد من الفتيات ..
إيتونا .. بمعنى تعالو .. وأقبلوا وهلموا <<<<(((== هلموا اذا صار الواحد مستعجل ..
ينودن .. وهي تقال للأنسان الذي يغلبه النعاس ..

سي يو ..