[قمردين]

السلام عليكم

سيكو بالخير قميعا




الظاهر انكم كلكم شفتوا طاش ماطاش الحلقتين اللي راحن..

بيني وبينكم ... احس ان بهن حركات مال ابوهن داعي


وقفات مع الحلقتين

1/اظهار ان السعودي ماكد شاف الزين... وهذا نصب واحتيال فنسائنا يمتكلن جمال باهر .... بغض النظر عمن يفوقهن جمالا.. لكن هذا لايبرر كونه يطير عيونه يوم شاف (لمياء طارق)


2/اظهار ان السعودي ماكد حس بدلع من مرته... والله اذا جينا للصدز... ترى حريمنا شوي جفسات (بس شوي)... لكن هذا لايبرر كونه يخق .. ويروح بخرايطها... بمجرد نطق الراء من لموو بشكل ثاني

3/حرص الشيبان الله لايهبلنا على البنات ... والله ما الومهم ....

يقول الشاعر:


الزين مثل الحــــيا متبـوع *** لو ماتلى الناس يتلونـه
والشين مثل الدهر مقطوع *** يمرون الناس ويتعدونه


واذا جينا للصدز... والله ماينلام السدحان يوم خلى حرمته واعرس عليها ... الرجال لازال قادر على العطاء والوناسه والحرمة عجزت ,,,,,,,,,الشرع محلل اربع

وللمعلوميه ترى هاذي ظاهرة منتشرة بشكل كبير بين الشيبان... وبوه بنات انهبلن لو يخطبها ابو خمسين سنه ما قالت لا ... اهم شي يأمن له بيت وشغاله..,,,,,,لأن الشباب التالي حده شقه او يسكن مع اهله

لاتحزن ايها الشباب التالي.. فالرزق على الله

4/حرص بعض الشباب على العجز ............ندري ان فيه شباب واجد متزوج مطلقات ام مسيار او زواج عادي..وان دل على شي فإنما يدل على تبادل مصالح مشتركه بين الشباب والعجز,,, ........... اني صائم


5/لاجديد في الحرص على تشويه تعدد الزوجات...........لو حتسينا عن التعدد ماقضينا.. لكن للاسف الاعلام متسلط على هالتعدد.. والمشكلة بعضهم يعتبره الخيانة الزوجيه ,,

6/اظهار ان بعض الناس ماله خاتمة .. والدليل ان الجراح جحد ولد اخته عشان هكالبنت ...


7/محاولة تشويه الزواج من الاجنبية بكل ممكن,,,,,,,,والله الزواج من اجنبية له مساوئه ولكن له محاسنه,,,


8/اظهار ان بنات البلد بهن دلع زايد .... اجل مايلقى بنت عشانه حول ........
والثانيه تبي تكمل دراسته واللي يقول ادفع مية الف... بس جاب الله هكالشنب وزوجه اخته


هذه اخواني واخواتي المقلعين والمقلعات بعضا من تحليلاتي للحلقتين السابقتين من طاش ما طاش

فهل هي حقيقة ..ام نصب؟

برايفت واضح.. اعلم يقينا انني في المنتدى العام