[الحبّوب]

بصراحة لم اصدق صاحبي وهو يحدثني لولا انه حلف بالله انه سمع صوت البنت بنفسه ..

يقول محدثي ..

كنت مع احدهم في سيارته ونحن نتجاذب اطراف الحديث ..

تطرقنا للمنتديات ثم عرجنا لحال البنات فيها ..

قال صاحبي : ترى اغلب اللي بالمنتديات حتى بعض من يدعين الادب فاسدات !!

انفجعت من كلامه فاكمل قائلاً تريد دليلاً ؟؟

قلت ما هو ؟؟

اخرج جواله واتصل على رقم وشغل المكبر ..

ردت بنت : هلا

هلا كيفك يا .................

قالت بخير كيفك انت ؟؟

قال حمدلله .. متى اخر مرة دخلتي المنتدى ؟؟

قالت وقت كذا !!

وجلس يسولف معها مدة ثم انهى المكالمة !!

يقول محدثي : قلت له : طيب البنت وثقت فيك ويمكن اعتبرتك مثل اخوها !!

رد صاحبه : تخسى تصير مثل اختي ..

قال طيب ممكن تبيك لاخلاقك وتتمناك زوج لها !!

ضحك خويه وقال آخر من افكر اتزوجها ذي واشكالها ..

قلت طيب ترضى احد يكلم خواتك ويشغل المكبر قدام اخوياه ؟؟

قال خواتي متربيات ..

=========

قاطعت خويي وغيرت الموضوع ..

عفوااختي ..

لا تظنين اني اتهمك وغيرك بالفساد بس بعض البنات يتساهلون في اعطاء بعض الذكور "" وهم ما هم رجال "" ارقام هواتفهم والاطم ان بعضهن يتساهل ..

تسولف عادي وتضحك عادي وتتكلم في امور خاصة برضة عادي ..

حجتها انها واثقة من نفسها او ان شريحتها سوى او انه ما يقدر يعرفها او او .........

يا اخوات .. والله والله والله ان كثير من هاللي يعطونكم معسول الكلام انك في نظرهم ما تسوين جزمة !!

آسف لصراحتي واعتذر لقسوتي ..