.. عمرة بشق الأنفس..

سهلاوي · 08-08-2010, 08:32 AM

السلام عليكم ورحمته الله وبركاته ..
حلفت ماحد يقوم...
يالله حيهم ..
أفحز لي يالدعساوي لأني قريت مشاركتك "سلمى سلمى" وأجبرتن أني أسوي موضوع وأهديه لك وباقي الشباب ورغم أن هذه أول مشاركة لي بالمنتدى..
لكن أقول أفحز لي يالدعساوي لأني قد طلعت معك مرة وكانت بالشتاء والجوء جميل جداَ وتعرفون الميانه>> الدعساوي وش ذا

طبعاَ أنتم عارفين العمرة زمان أول >>أيقاله عمرة 40
ماحدن يروح لحالة هو وعياله لازم يروح عمهم ولاعمتهم ولاخالهم ومن هالقبيل
لكن أسرد عليكم طريقة عمرتنا ورجاء بدون نحت أو حسد...

هذه طريقتنا لاجينا نأخذ عمرة بالعطلة وأنتم عارفين طبعآ من قبل الأختبارات وهالعمرة يهرج به ........
عاد أبوي وعمي لا إجتمعنا يقولون شوفوااااا ترى اللي يبي يسقط هالسنه ماهوب رايحن معنا فهمتوا!! >>وتصفى على ولد عمي يرسب ويروح معنا ولاااااا يركب بعد قدام من الوناسة..!!

الشاهد بعد أنتهاء الأختبارات وكلن نجح جاء وقت يالله نبي نفحص الجمس وطبعآ هالجمس ودك يحتسابه ولا ودك تشوفه واقفن من العام ولا يشتغل إلا بالعطلة..!!

لاااااااا بعد مايقهرك إلا لاجاء الحج طق الباب واحد وقال لـ عمي والله ودنا نستاجر الجمس يابوصالح وترانا ماجينا إلا حنا عارفين أن جمسك نظيف عاد عمي تسذا يضيع ويتشقق ويقول والله مادري حنا لافن علينا واحد مثلك لكن تعال بكرا خلن أستخير بينكم.!.!.!

الشاهد لاخلصن الأختبارات وبداء كلن من ابوي وعمي يقول للثاني رح وشيك على الجمس وأقعد عند العمال لايقعدون يأخذون منه قطعة ولااااا شيئ تراااك ما يتسل عليك>> الله أكبر

وبعد عناء طويل من فك وربط بهالجمس النظيف يعلن موعد الانطلاق طبعآ كلنا جميع بهالجمس ....
ترانا نبي نمشي يوم السبت قبل الفجر بساعتين وشوفن ياحريم مانبي قشن واجد هالسنة قضينا من القش>>أي امتعة الرحلة
كلن يأخذ معة ثلاثة قمصان لهالصغارين وأربع فنايل وخمس سراويل... ومواد الطبخ غازين وأربع قدور وخمسة بوادي وكيس رز >>مادري وش بقي

الوكاد وبعد النوم ليلة السبت أذن أبي معلناَ أنطلاق الرحلة وبعد ركوب الجميع يبداء التحضير لطيفة حاضر رقية حاضر محمد حاضر أبوأذان حاضر>>طبعآ ماهوب أنا... أم عكاريش حاضر وعمي يحضر عيالة بنفس الطريقة بس بدون معايير لأن عمي مثقف >>أيه هين

وينطلق الجمس بني اللون ممزوجاَ ببيج ومتقشع بعد والقش فوق التنده بمترين لامرينا من عند كبري طنبسنا من رفع القش وطبعآ قبل الفجر لاحنا اللي نمنا ولاحنا اللي مشينا بدري ...

عاد يبدأ عمي بالسلام على أمي صبحتس الله بالخير يأم محمد وأبوي يتك النظارات ويصبح بالخير مرت عمي ماتسنهم أمس متعشين سوى

وبعد قراءة دعاء السفر ما أمدانا إلى حنا بالبكيرية
أبوي: وش رايك يابوصالح نصلي بالبكيرية
عمي: راي جيد>> يدري انه ماهوب آخذن رأيه
وبعد الصلاة يذهب أبي ينتظر المخبز حتى يفتح على ساس يأخذ فطور ومانمشي من البكيرية إلا الساعة 6 ونص مادري ليه مانفطر بالبيت ثم نمشي!!! بس زوووود دباشة؟؟

ويالله خذ لجة على هالطريق خمسة يحاتسون وواحد يسمع تقل عزبه يمانية وأبوي وعمي كلن يبخص الثاني وحنا بينهم تقل أهدوره >>إلا بدون تقل

ويجيك أبوي يقص هالقصة اللي كل ما سافرنا عادة ...
أيه أنا يوم أنا أحج فرضي رحنا بلوري حمر>>لا ياشيخ أحسبه أخضر
بالصندوق 23 نفس من بين مرة ورجل أيه يالدنيا تساهيل يابوصالح
عاد عمي أيه ذكرتن يوم أحج أنا فرضي رحت مع أبوعليان جارنا بالديرة
أبوي: أيهم؟؟
عمي: الدقاق >>أي عصل...... وتسريم عين >>أي له عين واحده
أبوي : أأأأأيه الله يرحمك يابوعليان كان قرم>>وش بقى
عمي : أي والله قرم الشاهد ويخلينا كلن يمشي بساقت الثاني لارحنا نرمي الجمرة ولا واحد يجرأ يلتفت على المرأة اللي مجنبه منول القلوب طيبة يابومحمد
أبوي: أي والله بلى القلوب طيبة >>أيه هين ...
يوم تبقست العلوم وأثرهم حاجين فرظهم جميع!! وأنا مدري ليش يسأله منهو أبوعليان وهم حاجين معه بس زود نجاسة..؟؟

وبعد عناء طويل وصلنا المحرم يعلن السواق أن الوقت الكافي للأحرام خمس طعش دقيقة ومن تغيب عن ذلك سوف يحاسب على ذلك..!
وهالكلام كل ما أعتمرنا صار ويجلسون ساعتين ما مشو..

ويذهب أبوي وعمي للي يبوعون حرامات ومحازم
بكم هذا ياصديق؟
العامل: هذا 25 ريال
أبوي: أيه هذا هبال أنا الحرام اللي معي شاريه لي خمس طعش سنه وبعشرة دين>>طيب أحدن حالفن عليك تروح وتسأله بس مادري كل سنه هذا منوالهم..

وبعد الأحرام تنطلق الحملة متوجهه إلى مكة مفتحين الدرايش وخذ تلبيه
لبيك الله اللهم لبيك لبيك لاشريك لك لبيك......

وبعد وصولنا إلى مكة وأثرنا تعبانين والساعة 3 ظهراَ لاغدا ولانوم أجتمعن
نزل الوالد وعمي كل واحد مع جهه يدورون شقة وووووووووواااااااااووووه بس
عاد حنا عارفين وش يبي يصير لأنه كل ما أعتمرنا صار هيك..

الشاهد الوالد مع جهه وعمي مع جهه ولا لقى واحد منهم شقه يجيك يعانده الثاني وعلى هالمنوال..
هذي أستر للحريم والثاني يقول لا بس بالدور الخامس مهابيل حنا نسكن بالدور الخامس >>ماتسنه به لفت..

ومعاند وكلن يبخص بالثاني إلى الساعة 6 المغرب وبعد هالعناء يتفقون يأخذون أحد الشقق وحنا طبعآ بهالجمس حر وتلفت وفظحونا بخلق الله كلن عرفنا إلى عمال الشامية لاجينا قعدوا يصوروننا تقل جايين من كوكب ثاني!!

وبعد ماننزل أغراضنا اللي يبي يستريح واللي يبي يأخذعمرة بكيفه عاد الوالد بالغالب يطلع يأخذ العمرة وعمي يستريح شوي ويبدأ عمي يشذب وأنا أعزز له
أبوك مايفهم وأنا أبخص منه
وأبوي نفس السالفه لاقعدنا يقول عمك مايفهم وأنا أبخص منه

عاد أنا هاشتن بي لي عشر سنين وأنا مدري منهو اللي أبخص .!.!

وعاد ياحلوين أبي ردود لأن هذي أول مشاركة لي بالمنتدى .!..!.!.!

ســـــلام..

08-08-2010, 08:32 AM	#1
سهلاوي عـضـو تاريخ التسجيل: Aug 2010 البلد: القصيم المشاركات: 78	.. عمرة بشق الأنفس.. السلام عليكم ورحمته الله وبركاته .. حلفت ماحد يقوم... يالله حيهم .. أفحز لي يالدعساوي لأني قريت مشاركتك "سلمى سلمى" وأجبرتن أني أسوي موضوع وأهديه لك وباقي الشباب ورغم أن هذه أول مشاركة لي بالمنتدى.. لكن أقول أفحز لي يالدعساوي لأني قد طلعت معك مرة وكانت بالشتاء والجوء جميل جداَ وتعرفون الميانه>> الدعساوي وش ذا طبعاَ أنتم عارفين العمرة زمان أول >>أيقاله عمرة 40 ماحدن يروح لحالة هو وعياله لازم يروح عمهم ولاعمتهم ولاخالهم ومن هالقبيل لكن أسرد عليكم طريقة عمرتنا ورجاء بدون نحت أو حسد... هذه طريقتنا لاجينا نأخذ عمرة بالعطلة وأنتم عارفين طبعآ من قبل الأختبارات وهالعمرة يهرج به ........ عاد أبوي وعمي لا إجتمعنا يقولون شوفوااااا ترى اللي يبي يسقط هالسنه ماهوب رايحن معنا فهمتوا!! >>وتصفى على ولد عمي يرسب ويروح معنا ولاااااا يركب بعد قدام من الوناسة..!! الشاهد بعد أنتهاء الأختبارات وكلن نجح جاء وقت يالله نبي نفحص الجمس وطبعآ هالجمس ودك يحتسابه ولا ودك تشوفه واقفن من العام ولا يشتغل إلا بالعطلة..!! لاااااااا بعد مايقهرك إلا لاجاء الحج طق الباب واحد وقال لـ عمي والله ودنا نستاجر الجمس يابوصالح وترانا ماجينا إلا حنا عارفين أن جمسك نظيف عاد عمي تسذا يضيع ويتشقق ويقول والله مادري حنا لافن علينا واحد مثلك لكن تعال بكرا خلن أستخير بينكم.!.!.! الشاهد لاخلصن الأختبارات وبداء كلن من ابوي وعمي يقول للثاني رح وشيك على الجمس وأقعد عند العمال لايقعدون يأخذون منه قطعة ولااااا شيئ تراااك ما يتسل عليك>> الله أكبر وبعد عناء طويل من فك وربط بهالجمس النظيف يعلن موعد الانطلاق طبعآ كلنا جميع بهالجمس .... ترانا نبي نمشي يوم السبت قبل الفجر بساعتين وشوفن ياحريم مانبي قشن واجد هالسنة قضينا من القش>>أي امتعة الرحلة كلن يأخذ معة ثلاثة قمصان لهالصغارين وأربع فنايل وخمس سراويل... ومواد الطبخ غازين وأربع قدور وخمسة بوادي وكيس رز >>مادري وش بقي الوكاد وبعد النوم ليلة السبت أذن أبي معلناَ أنطلاق الرحلة وبعد ركوب الجميع يبداء التحضير لطيفة حاضر رقية حاضر محمد حاضر أبوأذان حاضر>>طبعآ ماهوب أنا... أم عكاريش حاضر وعمي يحضر عيالة بنفس الطريقة بس بدون معايير لأن عمي مثقف >>أيه هين وينطلق الجمس بني اللون ممزوجاَ ببيج ومتقشع بعد والقش فوق التنده بمترين لامرينا من عند كبري طنبسنا من رفع القش وطبعآ قبل الفجر لاحنا اللي نمنا ولاحنا اللي مشينا بدري ... عاد يبدأ عمي بالسلام على أمي صبحتس الله بالخير يأم محمد وأبوي يتك النظارات ويصبح بالخير مرت عمي ماتسنهم أمس متعشين سوى وبعد قراءة دعاء السفر ما أمدانا إلى حنا بالبكيرية أبوي: وش رايك يابوصالح نصلي بالبكيرية عمي: راي جيد>> يدري انه ماهوب آخذن رأيه وبعد الصلاة يذهب أبي ينتظر المخبز حتى يفتح على ساس يأخذ فطور ومانمشي من البكيرية إلا الساعة 6 ونص مادري ليه مانفطر بالبيت ثم نمشي!!! بس زوووود دباشة؟؟ ويالله خذ لجة على هالطريق خمسة يحاتسون وواحد يسمع تقل عزبه يمانية وأبوي وعمي كلن يبخص الثاني وحنا بينهم تقل أهدوره >>إلا بدون تقل ويجيك أبوي يقص هالقصة اللي كل ما سافرنا عادة ... أيه أنا يوم أنا أحج فرضي رحنا بلوري حمر>>لا ياشيخ أحسبه أخضر بالصندوق 23 نفس من بين مرة ورجل أيه يالدنيا تساهيل يابوصالح عاد عمي أيه ذكرتن يوم أحج أنا فرضي رحت مع أبوعليان جارنا بالديرة أبوي: أيهم؟؟ عمي: الدقاق >>أي عصل...... وتسريم عين >>أي له عين واحده أبوي : أأأأأيه الله يرحمك يابوعليان كان قرم>>وش بقى عمي : أي والله قرم الشاهد ويخلينا كلن يمشي بساقت الثاني لارحنا نرمي الجمرة ولا واحد يجرأ يلتفت على المرأة اللي مجنبه منول القلوب طيبة يابومحمد أبوي: أي والله بلى القلوب طيبة >>أيه هين ... يوم تبقست العلوم وأثرهم حاجين فرظهم جميع!! وأنا مدري ليش يسأله منهو أبوعليان وهم حاجين معه بس زود نجاسة..؟؟ وبعد عناء طويل وصلنا المحرم يعلن السواق أن الوقت الكافي للأحرام خمس طعش دقيقة ومن تغيب عن ذلك سوف يحاسب على ذلك..! وهالكلام كل ما أعتمرنا صار ويجلسون ساعتين ما مشو.. ويذهب أبوي وعمي للي يبوعون حرامات ومحازم بكم هذا ياصديق؟ العامل: هذا 25 ريال أبوي: أيه هذا هبال أنا الحرام اللي معي شاريه لي خمس طعش سنه وبعشرة دين>>طيب أحدن حالفن عليك تروح وتسأله بس مادري كل سنه هذا منوالهم.. وبعد الأحرام تنطلق الحملة متوجهه إلى مكة مفتحين الدرايش وخذ تلبيه لبيك الله اللهم لبيك لبيك لاشريك لك لبيك...... وبعد وصولنا إلى مكة وأثرنا تعبانين والساعة 3 ظهراَ لاغدا ولانوم أجتمعن نزل الوالد وعمي كل واحد مع جهه يدورون شقة وووووووووواااااااااووووه بس عاد حنا عارفين وش يبي يصير لأنه كل ما أعتمرنا صار هيك.. الشاهد الوالد مع جهه وعمي مع جهه ولا لقى واحد منهم شقه يجيك يعانده الثاني وعلى هالمنوال.. هذي أستر للحريم والثاني يقول لا بس بالدور الخامس مهابيل حنا نسكن بالدور الخامس >>ماتسنه به لفت.. ومعاند وكلن يبخص بالثاني إلى الساعة 6 المغرب وبعد هالعناء يتفقون يأخذون أحد الشقق وحنا طبعآ بهالجمس حر وتلفت وفظحونا بخلق الله كلن عرفنا إلى عمال الشامية لاجينا قعدوا يصوروننا تقل جايين من كوكب ثاني!! وبعد ماننزل أغراضنا اللي يبي يستريح واللي يبي يأخذعمرة بكيفه عاد الوالد بالغالب يطلع يأخذ العمرة وعمي يستريح شوي ويبدأ عمي يشذب وأنا أعزز له أبوك مايفهم وأنا أبخص منه وأبوي نفس السالفه لاقعدنا يقول عمك مايفهم وأنا أبخص منه عاد أنا هاشتن بي لي عشر سنين وأنا مدري منهو اللي أبخص .!.! وعاد ياحلوين أبي ردود لأن هذي أول مشاركة لي بالمنتدى .!..!.!.! ســـــلام.. آخر من قام بالتعديل ظرف زمان; بتاريخ 08-08-2010 الساعة 05:40 PM.