[المنخرش]

السلام عليكم ورحمة الله وبركاته

أهنئكم بعيد الفطر المبارك وأقول لكم

كل عام وانتم بخير وتقبل الله منا ومنكم صالح الأعمال


في صبيحه هذا اليوم المبارك يوم السبت الموافق 1\10\1425هـ===بالإذاعه

وبالتحديد بعد صلاة الفجر

جيت من الصلاة وعلى بركة الله يالله صباح خير

وانا اللي أدخل واسمع صراخ وركض وارثعي بين الغرف وصبخ بالبيبان

هالبنات اللي تقول شباصتي واللي منطول منه علكة حق العيد - تبدأ تعلفج إلين الظهر-

وانا اللي ارقا فوق وصوت الأستشوار يملأ المكان بصوته المزعج

واللي تصيح تبي حلاو العيد - مانامت باللي من التفكير- - لأنه هي اللي قومتنا لصلاة الفجر -

المهم وإيقالي ابتكشخ واول مادخل الحمام أعزكم الله والله اسمع صوت الباب يطق
اعنبوبليسكم امداي أخل تقولي يالله جاء العيد ابسبح قلت - يالله - قالت لاتقول اسم الله بالحمام قلت - انشاء الله - ضحكة وراحت بنت الليل
المهم وانا اللي اطق لك هالثوب وافتك مخباته(يحقلي خبنة الخياط)ماتفك إلا بالعيد
(الخيط اللي يصير بمنتصف المخبات بعد التفصيل)

واطقلك الشماغ اللي صاير من كثر التسوي(الكوي) صار المرزام تقل
شمسية متقدمن عن المرزام شاقص الله يخلف عليه من كثرة التسوي من تسواي لمغسلة وعلى هالحالة

وانا اللي أطقلك القلم تشوف ايدين مليانات من الحبر كل شوي ابشوف هو يكتب ولا لا

واطق هالكنادر واروح امشي بالحوش علشان يطقطقن (شوي ولاي جايبن العيد بالدرجة والله ويروح كل اللي زيناو

والقهوة مولمة وياشباب ابنصحكم نصيحه لله اخوية


لازم كل واحد يأكل له ثلاث تمراة:D :D

ودردب بقهوة اولا يامدحت اسمع ويدردب قهوة اللي ياخذ وجهك مهب الواحد يقضي زميمية لا ابيالة ابيالتين ويالله لك الحمد ( ولا مهب فنجال فنجالين)

المهم عن أذانكم ابروح اصلي العيد سلام عليكم وللهرج تكملة (يمكن)