[السيد دكتـور]

قصتي مع النثرية

بسم الله أبدا .. أمس يوم صليت الفجر أنجطلت بالمسجد
حسي أني دايخ بالعربي ما نمت زين يوم أرتكيت والله
وتاخذن أكا الغفوه ..
المهم جاء واحداً من رفقاي وقالي يالله

نبي نطلع ..

قلتله من عيوني ----> يقالي أخلاق

والله وأتكي معه بالهديزليه ونطق

هالميه والأربعين وننحر مخطط الرواف ---> مبعدين بس الشكوالله

والله ونفل هالفرشه ونبداء تجطل وتبحطل وتنطل وتبطل ---> على وزن وتنفعلل

وحنا على الهلحاله لين أذن الظهر وما عندنا من السواليف

إلا وشلونك وعساك طيب ومبطينن ما شفناك وهو متسابلن كل الصبح

المهم أنا جت مشكلتي مع الحمام وتعرفون مخطط الرواف ما به ذرا

والله واتنسبل من بينهم واتغبى ورى كفر الهايلكس والله وأشخه
-----> للي ما يعرف لهجة بريده معنى أشخه يعني أقولبه

المهم يام قضيت شاخه رحت لرفيقي وقلت يالله نبي الغداء

قالو على يدك قلت هلا أمك ---> كلمه أخذن عليه اللسان

والله وأقوم وأنثر هالنثريه اللي ما عندك بأحسن منه ( الصوره في الأسفل )

يام أنتسبته بالصحن وجينا نبي ناكل إلا والله واللي يخقلن من عند ضهري








وأثري الله يخلف المذن يخقلن يقولي وش منومك هنا أثري شاخته
بالمسجد من هك الغفوه إلا الحين بس عاد أشواء اللي جاء قبل ما
أبدء آكل ولا تسان يقول وش المهبول