[عآشقة قسمهآ ..]

[BACKGROUND="70 #FFCCFF"]

السلامـ عليكمـ ورحمة اللهـ وبركآتهـ |
مرآحب بالقمرآت تسيف اني أحبكو سوو متش



بمآ اني انسآنة دفنتورجية وسمهورعية وقلونسخية فسأخش بالموضوع صلب عيون المآرة
<تسمع بالمقدمآت
المهم الي ماجاز له العلم يسمع ذا العلم أنا ياأخوآتي تعرضت للسرقة وسبحآن النآصر رُب ضآرة نآفعة
فأُعطيت الضوء الأخضر لأتنقى أي يوم شئت حتى لو وآفق يوم عضوة كريمة آخرى ومالكم دخل
بالتآريخ أهم شي انه يوم من أيآمي الرمضآنية <تسمع بالجحآدة
لا وحدة تحقد أنا مظلومة <وش تحس بوهـ <الزبدة <ذلتنا <لايكثر <تبي قوست
[كل سهم من هالأسهم لمشرفة تفوهت بمآ يتبعه عاد انتم اربطوا ]


الله يسلمك هذا أنا نمت الساعة وحدة الظهر عيا يجيني النوم .. وقسم أوميييير أخربه وأقوم على
المغرب وطبعآ ماسويت شي ع الفطور وماما ترمقني بنظرآت حداد واخواني بألسنة شدآد
أتسذب يآعمري هم والله محد قالي شي مير موب عادة .. بالعادة صجة ونصآيح
<مايعرفله ..
أميمتي بعد حيي قالت لي تمنيت انتس قآيمة تدعين اليوم جمعة .. <عرفوا التاريخ يالخبلة
أنا : أميمتي إنما الأعمال بالنيات غصبن علي اهئ اهئ ..


عاد همتي بالعلالي ماشاء الله وأقوم أسوي لي قهوة وأتقهوى لين مخمخت وعلى الساعة 10 بديت
بالكاساديا قصدي الصيآدية وأنا أجزم على الروبيان وأبدأ بصيآدية الروبيان يأختي فلة الروبيان
بلاتقطيع ولاشي
ولكن حدث أمر رهيب للغاية صدز انه مابوه تقطيع .. مع ذلك الرفلاء قطعت يدهـ [الي هي أنا]
بأفتح كيس الروبيان بسكين اللحم وأفتح اصبعي معه بشرخ ليس بالهين <اووخس ياللغة
وتنزف اليد دم [بدون مبالغة ذذ] وأكرض للمغسلة وامي تلحقن البنت انشقت ايييييييييييييده البنت
انشقت اييييييييييده وأنا لا يمه بس مخيش <مسوية قوية
أومير يزود الدم مع الموية وأرجع للمطبخ ركض بآخذ مناديل خشنة وأمي بسآقتي تصآرخ
وتقول لايصير عرق بس !!
قلت يعني يمه اذا صار عرق أموت ؟!! .. قالت لا بس انه مايوقف ..
ونشوف الأرض انا واياه واثآري كل الرخآم نقط دم من المغسلة للمطبخ [والله اني صآدزة ولا أبالغ]
عاد هي تحوقل وتقول لاعادت على هالصيادية لاتكملينه موب لازم وتحط لي صبرة عشان تخيطه على
قوله .. وأنا مستعجلة بسرعة يمه القدر على النار لايحترق <فدائية

عاد وهذي هي اهئ اهئ :

الروبيآن بكشنته



الرز المشخول ~



همينن أفطرنا وتعشينا وتسحرنا هالصيادية ودعوات أمي ترآفقها ياعلتس ماتلمّسّينهوه ياعسآتس
ماتعمين .. وأنا طبعآ نافخة الريش ذذ
همينن ماش بي جلد ماشاء الله ماركدت هماي ماهدرت الطاقة على الفطور وأجي وأسوي لهم الميلك
شيك المهبول على قولة اخوي
البلاء انه موب ميلك شيك لكنه تبع المثلجات وللأسف ماصورته <كف

سويته مرة ثانية عشان أصورهـ لعيونكم ق1





ثمينن قالت أمي ابوتس قلت وش بوه قالت اكبسي له كبسة روبيان قلت حرام عليتس ماما ليه ماقلتِ
لي وأنا أسوي الصيادية قالت أندري وابوتس مايآكل إلا مريس مو مثلكم حب
وأجي وأقول لأمي ولايهمتس وأسوي له الكبسة يالبى قلبه ~



وجهزت ~



وفي هذة الأثناء قلت بأسوي آيس كريم عشان نآكله بكرى وأسوي ذآ الآيس وأحطه بالفريزر ~



ونحتري بابا عقب القيام ولكن لا أثر له ياألهي أين أبي لقد رأيته قبل أن يغادر لصلاة القيام واختفى
مع ابوي الجبن المالح الي أدوره عشان اسوي حشوة للمخدات لبكرى ولالقيته !!
المشكلة انه مكعباااات كثيييييرة والله حرام متنا وحنا ندور .. آخر شي دقينا على ابوي ولزمنا بالدق
آخر شي رد وقال هذاي بالمسجد بأقعد لين تطلع الشمس ثمن بأمشي لمكة ~
طيب والكبسة يبه اللي قاعدتن أدهر به لك حرام يبه اهئ اهئ .. ودقينا على اخوي نعلمه ان ابوي
بيجي لمكة لأنه ماشي بنفس اليوم وواصل وعرفنا منه انه هو الي مآخذ الجبن المآلح !!
طيب خيو كوووووووومة كله بتآكله قال لا عطيته السواق أسمع امي تقول انه مضيقن علينا ..
حراااام عليك خيو السواق وش يبيبوه كومة والله ان يحلته بالزبالة وحشواتي والمخدات اهئ اهئ طيب
تسآن شاورتنا تسآن عطيته شوي منه..
قال : هذا جزآي
أنا : !!!!!!


ايه اومير اسوي لي كابتشينو أعدل مزاجي والله ياهو طعععععععععم لا والرغوة كثييييييرة هالمرة
أدوووووخ



ثمينن قبل لايذن بشوي شربت موية وجلست على النت أتصفح ثمن صليت ورجعت للنت ولقيت متفآئلة
وسوآلييييييف وهذا من ضمن السواليف ~
<بأكمل اليوم الجديد لأنه ماقمت أسوي فطور باليوم الي قبله



الترجمة:
التركوآز :
ودي بقفزة بمشوآري الفني
وش تحس بوهـ
الأرجوآني : يؤهـ وش عندنا

ترى التركوآز موب لي لمتفآئلة
استغفر الله وش تحس بوهـ متفآئلة



فآصل : يوم توضيت الفجر وشلت اللزق بتل اصبعي ينزف عيا يوقف <درينا بنعزي ونواسي

<<<< يتبع
انزلوآ للأسفل

[/BACKGROUND]