|
والله ان مارأيت ليدمي القلب ويبكي العين اين عقول شبابنا...!!
السلام عليكم ورحمة الله وبركاته
والله ماادري من اين ابدأ شي محزن حال الشباب في اليوم الوطني
اليوم مرينا جنب النخيل بلازا ورأينا شباب كأنهم وحوش اصباغ على وجوههم وعلى ملابسهم شخابيط اللي كاتب انا دحومي والثاني رسومات والثالث رابط اللثام وجالس يرقص والرابع يدور بين السيارات وينابط كانه فيه مس واللي راكب فوق كتف الثاني ويدور هو واياه بحركةسريعة كانه لعبة الملاهي
واللي بالسيارات يمشون شوي ويوقفون شوي ينزلون يرقصون وينابطون كانهم سكارى حالهم والله محزن تخوف اشكالهم بعد انا اللي قلت لزوجي رح من عندهم احسبهم احتفال بسيط مادريت انهم كذا لاحول ولاقوة الابالله الله يفتح على قلوبهم ويهديهم وجميع المسلمين
انا كتب هذا المقال ابيكم تدعون لشباب المسلمين ان ربي يهديهم ويصلحهم ويجعلهم بارين باآبائهم وامهاتهم
__________________
لااله الاالله محمدرسول الله استغفر الله الذي لااله الاهو واتوب اليه
|
24-09-2010, 03:46 AM
النمط الأحادي