[بندر 1430]

اقتباس المشاركة الأساسية كتبها الصباخ هههههههههههههههههههههههههههههههههه دقيقة خل بضحك .. تعاملي مع الأزمات يجعلني مرشحاً قوياً لمنصب بلدية الدرعية، على طاري الدرعية ترى هالديرة اللي جالس أنت تطنّز به له إمارة ومحكمة وكل شيء خاص لها لحالها مع إنه الحين هي داخل الرياض مثل الفاتيكان بالضبط << والله من زين التشبيه.. بعدين من يقالك إن الدنيا زحمه؟ شف هو أنت أحد أمرين: يا إما إنك ما تعرف تسوق وتعتقد إن الدنيا زحمه، يا إما إنك تشوف شيء ما نشوفه؟ شلون زحمه ياحبيلك؟ جميع الطرق سالكة والأمور تمام التمام، أنا أطلع من بيتنا بالشمال وآصل مثلاً حي السلي بخمس وعشرين دقيقه ولا فيه أي مشاكل، اللهم مابين مخرج 11 -12 فيه بطء بالسير والسبب إن الطريق يرتفع والتريلات تخفف السرعه ويصير المشي بطيء لكن الدنيا سالكه؟ بعدين محد قالك أطلع للجنوب مع طريق الملك فهد!! فيه عشرات الطرق اللي تطلعك للجنوب، بعدين يابندر لا صرت ما تدل بالرياض أسأل أهلها، فأهل الرياض أدرى بشعابها. ونحن ناس تمرسنا على هذه الأمور وأصبحت هي حياتنا اليومية، فتجد الشاب من أهل الرياض عندما يذهب لبريدة لا يتضايق عندما يخرج من استراحه في الراشديات، بعدين يروح لاستراحه بالهدية.. لأنه يشوف إن هالمشوار هذا تافهة جداً، مع العلم بأن بريدة مستحيل تشوف فيها زحمه.... إضافة إلى أن الجرعات الثقافية يأخذها شباب الرياض منذ الصغر، فالواحد منذ أن يرى الدنيا وهو يشوف الزحمه ويتعلّم من الآخرين، فتجده بعدما يقود المركبة قد تشكلت لديه مخزون ثقافي ومعرفي للتعامل مع الأزمات الثقافيه والإشكالات الاجتماعية والنفسية. وبعيداً عن هذا كله، تراي داري عن الكاميرات اللي بطريق العليا العام مع تقاطع موسى بن نصير، كل الإشارات بهن كاميرات ساهر والمعلومة وصلت وهم يركبون هالكاميرات . وبعيداً عن أجواء الرياض وساهر والإشارات، ماودك بس تتأقلم وتتعلم ممن هو أعلم منك، ترى الدنيا تجارب وأنا أخوك .

ضحكنا ..

أما بعد ..



في وسط الكلام فيه كلمة مالي خلق أطلعه و أقتبسه .. قلت إن الطريق يرتفع ..!

أبو صباخ أنت تتكلم مع واحد توه جاي من الهند؟

أي إرتفاع تتكلم عنه؟

وبعدين تحسب زمنك قليل ما بين شمال الرياض واللي ما حددته لي بالضبط أو على الأقل لمحت لأنه ممكن تكون أحياء قريبة من مخرج تسعة أو عشرة ولو إفترضنا إنك تتكلم عن أحياء أبعد من كذا .. خمس و عشرين دقيقة زمن الوصول للسلي كثيرة إذا قارنتها بأي زمن مسافة في مدن ثانية .. مثل بريدة .. لا تقول لي المساحة أكبر .. لأن المسافة بين الراشديات والهدية أكثر أو تقريبا حول المسافة اللي أنت ذكرتها بين بيتكم والسلي ومع ذلك تقدر تقطعها بربع ساعة عن طريق الدائري الشرقي ثم الشمالي ..! وهذا وش يدل عليه؟ أترك لك الإجابة لأني عارف إن الثقافة عندك Overdose ..!

أقول .. ما ودكم تسلفوننا ثقافة و نعطيكم تمر بداله؟