[مدحت شوقي بريده]

نايف سواق ليموزين .. من عائله محافظه وهو محافظ .. <<<<(((== محافظ والا ابواك .. :D :D :D

يشرح معاناته مع زبائنه .. ويقول .. اذا جاء آخر اليوم نقول يارب بس نطلع حق البنزين ..
نقول وراه يانايف يعني ماهنا زبااااااااااااااين ..
فقال .. الا .. فيه زباين .. بس زباينا على النحو التالي ..
<<<(((== النحو والا الصرف .. الصرف والا الفكه .. الفكه والا المسكه ..:D :D :D

يقول سلمكم الله زبايني

اولاً .. البزارين :
اما بزارين يطلعون بك الصمرقع .. يئشرون واذا وقفت راحو وخلوك .. وهذولا اهون عند غيرهم .. واذا ركبوا .. كل واحد له رأي .. نبي نروح لعمتي .. لا اول البقاله .. الا قبل كل شي نبي ناقف نزغل انا حسران .. همن توقف وتصفقهم وتنزلهم ..

ثانياً : العمال :
وهذولا يركبون معك ولو تجيبه من عرعروالا تبوك ماهنا الا ريالين لو تفحط او تنقز ..
ويمكن يقولك انا كفيل مافي جيب راتب .. همن شلق بصل عاااااااااااااااااد ..

ثالثاً : الشياب :
وهذولا دواهي .. يعرفون وشلون يركبون ببلاااااااااااااش ..
يركب معك ماهنا احسن منه .. واذا قربت لبيتهم قلب عليك هواش .. وسوا روحه زعلاااااااااااان ..
همن قال يالله نزلنا بهذا خلاااااااااااص انت ماتستحي انت ماتقدر ولا تحترم ..
وينزل ويصفق بالباب بقوه .. ويقعد يدعي عليك .. ايقاله هالحين مظلوم ولد الحرااااااااااش ..


رابعاً : الحريم العجز :
وهذولي بلشه .. خاصه اللي تصير شاريه حنا وحلتيته وحلبه ..
تصبغ ريحتهن بالسياره .. وكل الطريق وهي تدعي لك .. ( الله يعدي عنك ياوليدي )
عاااااااااااد انت تفل حجرك وتقول واللي ضمنا الميه والا الخمسين ..
همن اذا وصلت ..تعلقت بالمرتبه وقالت لك ياوليدي انا ام يتمااااااااااان .. وماعندي والي ..
ياوليدي ماعندي شي اعطيك اياه .. تبي تسامحن والا رجعن لمحلي ياوليدي ..
والله ان عيالي رايحين اليوم للمدرسه بدون فسحه ..
عااااااااااااااااااد تمسك معك عطف وشفقه .. وتقول ياخاله روحي الله يساعدك ..

الخامس : البنااااااااااات :
وهالصنف عاااااااااااااااد اما لك او لأخيك او للذئب <<<<(((== وين يبي والله الأقشر ..
يركبن معك .. وانواع السواليف وانواع العطور .. اللي تشق الابط ..
وينكتن ويسولفن .. وانت مستانس انواع توزيع الابتسامات ..
عااااااااااااااااااد اذا وصلن حول المحل اللي يبونه .. قالت وحده للثانيه ..
وش رأيك والله ياهوا مزيون ..
والثانيه تقول ايه ماشاء الله عليه الله يحفظه دوك عيونه موووووت ..
وانت امتشقق ماتدري الا انت فوق الرصيف ..

واذا وصلن .. قعدت تناظرك بهاك العيون المكحله .. وقالت لك ..
يوووووه .. والله مامعنا هالحين قرووووش .. تكفى سامحنا علشان خاطري ..
عطني رقمك واذا اخذت من اهلي دقيت عليك وتجي تأخذهن .. ( اي هين الوعد طويق )
عااااااااااااااد انت قسم ان تنزل الاستبنه وتعطيه اياه هديه ..

هاه يامدحت وش رايك بزباينا ..
والله يانايف اغديك تقلب الليموزين ضمان اجتماعي ازين ..
الله يعينك يالبي ..


يالله ونااااااااااااااااااااااااااسه ..