[مدحت شوقي بريده]

الصراحه اول يوم قريت موضوع بأسم ( المستشاره ) قلت وراه ابو الشباب انهبل .. وش جاه غير اسمه ..
خابر الشباب طافين هاليومين بتغيير الاسم ..
بس عااااااااااااد ماتاصل لهالدرجه ..

وقلت بنفسي .. اكيد المستشار قايله احد انك مزيون وناعم .. وصدق عمره .. واضاف حرف ( ه ) لاسمه .. وصار المستشاره ..:D :D :D

بس يوم اني قريت المواضيع .. دريت اني ماسكن المطينه حاااااااااافي ..:D
المستشار الاشهب ابو مشق .. اللي حتى ظلااااااااله فيه مشق .. :D :D :D
مافي امل يكتب مثل هاك الكتااااااااااااااااااابه ..

((( وشوفو الفرق .. )))
(( وهذا مقتطف من احد المواضيع .. ))

يا أكبر من الكلمات .. >>>>> المستشار يقول .. يا اكبر من الحتسي ..

سنوات طويلة مرت كعجلات القطار السريع >>>> المستشار يقول .. سنين طويله مرت مثل كفرات القطار السريع .. وانا القطار السريع امشي ولا استريح .. توت توت ..

وأنا هنا وحدي .. >>>>> المستشار يقول .. وانا بهذا لحالي ماعندي الوالي ..

أحدث الأشياء عنك >>>> المستشار يقول .. احاتسي الماصات والكراسي والاشياء عنك ..

وأحتسي غيابك كالمر >>>> المستشار يقول .. اشرب غيابك مثل المره والحلتيته ..

وأجدد طلاء البقايا خلفك >>>> المستشار يقول .. اصبغ البيت عقبك ..

وأنتزع الشوك من دروب العودة >>> المستشار يقول .. اقشع الشوك من طريق الشيخ سلمان العوده ..

علّـك يوماً تأتي .. >>>> المستشار يقول .. اغديك يوم من الايام تنكس علينا الله لاينكسنا ..

فتأتي الحياة معك .. >>>> المستشار يقول .. وتجيب الحياة والشرق الأوسط معك وانت جاي لمنا ..


شفتوا الفرق ..
اعرفه المستشار لو يكتب مثل هاك الكلااااااااااااااام كان يمرض اسبوعين .. :D :D :D
ويبلشون بوه اهله .. يقولون مهوب هذا ولدنا .. وراه صاير حتسيه كذا ..
ويودونه لشيخ يقراء عليه .. والشيخ يقول شكل اللي بوه جنيه من السنغال ..:D
وهو يقول للشيخ ( انا احب اللغة العربيه ):D <<<<(((== شكله بريماكس هذا .. هو اللي يستانس على اللغة العربيه ..:D


(( هاه يالمستشار .. كتبت الموضوع .. وثاني مره لاتتحدى ))
وقريباً هناك اخرون .. الدور عليهم ..

وناااااااااااااااسه ..:D