[عـدنــان]

اقتباس أحكي لكم قصتي كـ مواطن مظلوم /: مدعمه بالصور واللهجة العامية على ثلاثة أجزاء ::

الجزء الأول [ مدخل ]

وجي بعد صلاة العشاء من يوم الثلاثاء
ابروح للرياض . مسكت الخط لحالي ..
فللت من محطة المسار وشريت فصفص وعصير وماء وكم شغله .
ومشيت 9:10 ورحت للرياض
وفي يوم الخميس الساعة 1 كنت دايخ جداً
وسادح المرتبة ونايم مع الحبايب ورحنا نتعشى ./
بعد ماتعشينا من بيبي برجر .
وجبه فيها همبرقرتين صغيرااااااااااااااااااااااااااات مره وشويات بطاطس
رحنا ننزل واحد معنا ببيتهم نزلناوه ورحنا ننام
وقفنا بإشارة وتجي شبكة يمسكون النسمات اللي بالإشارة

. أخذوا البطاقات وبدأت المآساة .!



أ . هـ / يتبع الجزء الثاني وقت ثاني

الجزء الثاني /:


. أخذوا البطاقات وقالوا أنتظروا بالسيارة
تكينا شوي وقالوا صفط على اليمين وصفطنا
وقفنا السياره بالحاره لأن السيارات بتحجز 15 يوم
كل واحد يحاول بكم عذر ولكن مافيه مجال ملزمييييييييين
وين النيّة ؟ حجز الناصرية !
حاولنا وحاولنا بس ماهنا فايده
ويجي الباص يالذيب واركب ورا الباص ملوه وفللوا فورد
لا تسأل عن الحر والكتمة !
يبدون يحضرون يمكن حضروا ثلاثمية مره
بوه واحد مرتفع مامعه بطاقة احوال يقول العسكري من اللي مامعه بطاقة يقول انااا < لهجة المرتفعين
همن يقول وغيرك .. يقول انا ههههههههه يقول خلاص درييييييت بوه احد غيره مامعه بطاقة احوال ويقول انا ههههههههههههههههه
يوم مشينا ويشلعون الشباب يغنون ههههه
بالطريق بإشارة طفى الباص . ووقف بجنبنا جمس بوه فتياة
قال واحد ياعيال رقموهن ههه يجي يقول العسكري الحين يضحكون لك وبعد شوي يضحكون عليك
وصلنا الحجز رصينا قبل ننزل
ونزلونا بعد عناء وقعدونا بصالة به كراسي اللي يقولون اسمه يدخل ص1
قال عدنان وجيك مسوي حزين ومالي دخل قلت ياخي مانب من الديرة وابمشي لبريدة قال امش بس شوي ويسطرن كره
دخلت وسكروا الباب وراي واقف عند الباب بريء جداً
مثل البس إذا دخل حباله يدور مخارج ص1
ماقعدت 5 دقايق ألا جاي واحد من المساجين
وش قضيك .. وااوك حسيت اني مجررررررررررم
قلت ظلللم قال طيب وش اسمك و و وو
انا شفت دورة المياه وتذكرت أني حسراان ..
قلت عن أذنك وتوضيت وصليت







[ مواقف ]

- متى نطلع ؟

كل مامر عسكري ناديناوه ياعسكري ولا كأن فيه مخلوووووق يناديه
والحبيب منهم يعطيك وجه ويصرفك بغير نفس
اول مادخلنا قالوا عقب 3 ساعات واحسب 3 ساعات ولا طلعنا ولاش
وبعده قالوا بعد صلاة الجمعة ولا شفنا شيء وبعده عقب العشاء ولا شفنا شيء على الحالة
يوم السبت بالليل قالوا اسامي الي بيطلعون عقب ساعة ولا طلعوا الا عقب 4 ساعات

- الجوال

أول مادخلت قال جوالي طررو بطارية ضعيفة
ضاق صدري مالي الا الله ثم هو يوسع صدري !
ويوم طفى جهازي قال واحد فيه شاحن قلت سم سم هههههه
واروح للشاحن وش اشوووف طاابووووووور جوالات
واوقف جوالي عقب ساعتين يمكن وصله الدور
اخذت دوره هواجيس واشوف مفصول ياولد ماعبى الا ثلاث حبات
وشوي ويقضي شحنه ههههه وعلى هالحاله حتى طلعنا .

- الأكل

أول مادخلنا جابوا مفروده وفوقه طحينية على شكل حصاته ذذ
صرنا فسقانين تونا جايين من الدنيا ولا أخذنا منهن
وجاء وقت الغداء وعلى هالحالة ماخذنا شيء فسق
ويجي بنقالي يقول بووووووووووفيه بووووووووووفيه توصيل طلبات هههه
واسفل واستانس وكل ابوشيء
رحت قلت وش فيه ؟
قال لحم مفروم وشكشوكة < الظهر هههههههههه
وبيبسي مكينة وماء وشاهي وبس
وطلبت شكشوكة ولحم مفروم وديو
الطعم مقبول بعض الشيء
يوم جاء العشاء
بوفييييييييييييه بوفيييييييييييييه
قلت كفووووو واناديه قلت وش فيه ؟
قال لحم مفروم وشكشوكة
وبيبسي مكينة وماء وشاهي وبس
مافيه شيء جديد همبرقر روست شيء
وقلت جب مثل الظهر وعلى هالحاله !

- النوم

من أول مادخلت التوقيف مانمت ألا مره وحده
من بعد صلاة العشاء إلى 6:30 الفجر وكل ماجيت أنااام
يجي العسكري قوموا صلاااااااااااااااااااة
يابن الناس تونا مصلييييييييين !
لا واذا جاء وقت التحضير !
أول ماتغمض عينك قومواااااااا تحضيييير
ويحجرونن بزاوية اللي يقولون اسمه يروح للزاوية اللي قباله .
واذا جاء التنظيف باليوم ثلاث مرات يالله وقفوا على الجدااار
والعمال ينظفون والسجناء يحارشونهم < حلوه السجناء ههههه






خوياي / أبو أمير وأبوعلي وأبوحجي وأبوزايد وأبوحامد وأبوخالد وكم واحد ههههه
نلصق سريرين مع بعض ونطقه سواليف
فيه عسكري فخم حبيب اذا استلم تشوف ماكدونالدوز يدهر هههههههه
مره دبروا بالوات وما امداهم يلعبون الا يجي عسكري ياخذه ويعاقبهم
والدخان واحد من عمال التنظيف يبيع البكت بـ 16 ريال والولاعة بريالين
ويجي العسكري ياخذ الدخان والولاعة ويعطيهن عامل النظافة يبعهن ثانية بكذا يكسب مكسب كبييير ههه < يمخمخ بالحجز







الساعة 6 العصر قال اسماء اللي بيطلعون وقال يطلعون بعد ساعة
وكان معهم عدنان الوشسمه
وطلعنا الساعة 9 بالليل
وسيدا خذ أجره لسيارتي ومن سيارتي لبرييييييدة مابه مقاعيد !
ووصلت بيتنا ونمت وقمت رحت للجامعة < جاز له الوضع



المهم / صارت سواليف ومواقف لاتحظررررني .!
لعلي اكتفي هناااا


وإلى اللقاء في حجوزات قادمة إن شاء الله والسلام عليكم ورحمة الله وبركاته !