[فقدتك يبه!!]

السسلآآآمـ عليكمـ


هذي احدى القصائد التي أعجبتني
عن الأم

وبصراحه أحب أهديها للغاليه أمــــــــــــــــي

أترككم مع القصيدة :


يمه فديتـك مـن همـوم الليالـي
يمه عسى ما شـر شفتـك تونيـن


يمه خذي مالـي واخـذي حلالـي
يفـداك يـا يمـه وأنتـي تعرفيـن


يمه تـرى يبقـى خيالـك قبالـي
يمه خيالك مسكنـه داخـل العيـن


إليا سمعت الصـوت ينسـر بالـي
وانسى هموم الوقت وانسى الدواوين


يمه ترى الجنـه معـك والمعالـي
يمه قدم رجلك أحطه علـى العيـن


أذكـر زمـان اول وانـا فالدَلالـي
أذكر تعبتي معـي وانتـي تربيـن


من كثر ما ركض من يمين وشمالي
واتعبك ما همي سوى اللعب تدريـن


وتقولي اجلسي يـابنيتي ومالـي
والعب أنا بمويه مع الصغاريـن


احيان اقول إنـي صغيـرٍ وسالـي
العب مع الأطفال لعـب الشياطيـن


يوم اتذكر وش جرى فـي خيالـي
مدري عن الأيام وشلـون تمشيـن


يوم إني اكسر خاطـرك مـا ابالـي
ما همنـي يمـه صغيـر ومسكيـن


واذكر زماني يـوم اشـق الريالـي
يوم الهلل والقرش يسوى الملاييـن


يا حسرتي يا وقتي اللـي مضالـي
يومـ (ن) اشوفك طول الأيـام تبكيـن


مدري مـرض ولا همـومٍ تصالـي
مدري تعب مدري كثر ما تحسيـن


يمه عسى روحـي وحالـي ومالـي
فدوه لدمعـك يـوم للدمـع تخفيـن


يمـه لـو الأيـام تشـرح سؤالـي
سألت أنا الأيام وينـك وانـا ويـن


وسألت دمعـك يـوم بـل الشيالـي
يا دمعة تسـوى كنـوز السلاطيـن


وسألت حر الشمس ويـن الظلالـي
وسألت قمرى الليل ما نورت زيـن


يمه أبي منـك السموحـه ولا لـي
ماأطلب سوى تعفين عني وترضيـن


واخذي مـن الدنيـا ودوك العيالـي
أنتي لنـا الراعـي وحنـا رعييـن


وأستأذنك وقتى تـرى مـا صفالـي
ادعي لمن ضاقـت عليـه الفلاتيـن


ادعـي لمنهـو بيـدتـه الليـالـي
عسى زمان راح يرجـع وترضيـن


وصلاة ربـي عـد رمـي النبالـي
على نبـيٍ وضـح الحـق والديـن
أتمنى تكون أعجبتكم



تحياتي :
بتـــــــــــــــــــــــوجه المرجوجـــــــــــــــــــــه