[تيمو الطايف]

حي الله العزوبيه جايب لكم نصائح من ذهب اعجبتني ونقلتهالكم
والله يفكنا شر تريقة المتزوجين ياحبهم للتريقه
ماعلينا ندخل في صلب الموضوع



سؤال لكل عزوبي .. يتسدح بالملحق ؟



هل تنام على بطنك ؟ او تخم الوسادة بالليل ؟ او تعفس الكنب

وتعضه وتسعبل عليه وانت نايم .. .. او تنام على الكنب ، او تنام ويطلع سرك ستر الله سرك.



إذا كانت الاجابة بنعم فإن
كل هذه اعراض لرغبة جامحه وكامنه بالزواج


.
لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
مو تسمع قصيده بعدها تطمر لأمك وانت مشبك اصابعك

ومميل رقبتك وتقول ( دوروا لي ابي اعرس ) ، ابي اكمل نصف ديني .


اولاً : مرحلة ما قبل الزواج :


كيف تعرف انك استويت عزيزي الشاب وحان قطافك من بنت الحلال :


أ: علامات الرغبة في الزواج عند الشاب :


إذا بديت تحب الاشعار وتسمعها بمخمخه وتتخيل انك تقول الكلام .
فاعرف انك ( قاضي ) فتلاحق عمرك وشف لك بنت حلال ،
بشرط توافر الشروط الاخرى فيك
( وظيفه مناسبة ، ومبالغ مالية لمواجهة مصاريف العرس )


ليلة الزواج :


ليلة العمر والليلة الوحيده اللي تحس
فيها انك اهم واحد بالاحتفال ..
فلا تصدق عمرك ويكبر راسك..
خلك طبيعي

ليلة العرس ارفق على سيارة الرجال
اللي انت متسلفها منه ..
لانك ممكن تصدم لانك ما تعودت
انك تكون بسياره كشخه وجنبك بنت.
<<<<<<< وش دراك؟


سواليف ليلة العرس


انتبه تتميلح او تنكت اكثر من اللزوم
لان الموضوع سينقلب ضدك وبدال ما تصير وش زينك تصير ( كخا ).
امدح مكياج المدام ، وفستان فرحها لانها تعبت شهور
حتى تظهر بهذا المظهر اللي انت تتمتع فيه انت وعيونك المغمصه | ..
حتى لو كنت ( كمخه ) في مواضيع الذوق واللبس ولا تفهم فيها شيء امدح
فهذا من شأنه انه يحسس المدام انها جميله بعينك ،
ويرفع روحها المعنوية ، ويخليها تهضمك يا ابو كوع بني .


انبته ثم انتبه انك تصير عاطفي او تخق ومن اول ليلة تقول للبنت
( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
بصراحه كثير من الشباب محروم


ملابس ليلة العرس


بعد ما تفسخ ثوبك وشماغك وعقالك
.. تروش الله يصلحك لانه ممكن ريحتك تكون طالعه
وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه )

بعد الانتهاء انتبه تلبس ملابس تظهر مفاتنك
.. مثلا تجي بلبس داخلي وفانيلة علاقي
وتصير كأنك عبدالمنان


وبلرفاه والبنين



منقول للفائده